प्रतिभा चाकणकर यांच्यावरील आरोपांमुळे राजकीय वर्तुळात खळबळ
Total Views |
नाशिक
Pratibha Chakankar राज्यात गाजत असलेल्या अशोक खरात प्रकरणाचा तपास अधिक गुंतागुंतीचा होत असून, या प्रकरणाशी संबंधित आर्थिक व्यवहार आणि संपर्कांबाबत नवीन माहिती समोर येत आहे. तपास यंत्रणांच्या चौकशीत अनेक नवे धागेदोरे उघड होत असताना, या प्रकरणात राज्य महिला आयोगाच्या माजी अध्यक्षा रूपाली चाकणकर यांच्या भगिनी प्रतिभा चाकणकर यांचे नाव पुन्हा चर्चेत आले आहे.
तपास यंत्रणांच्या प्राथमिक निष्कर्षांनुसार, अशोक खरात याच्याशी संबंधित आर्थिक व्यवहारांमध्ये काही खात्यांचा वापर झाल्याचा संशय व्यक्त करण्यात आला आहे. याच पार्श्वभूमीवर प्रतिभा चाकणकर यांच्या नावाशी संबंधित आर्थिक देवाणघेवाणींचीही चौकशी सुरू असल्याचे समजते. या प्रकरणात मोठ्या रकमेच्या व्यवहारांचा उल्लेख होत असून, विविध बँक खात्यांच्या तपशीलांची पडताळणी सुरू आहे.दरम्यान, या प्रकरणावरून राजकीय वर्तुळातही खळबळ उडाली आहे. तपासाची व्याप्ती वाढत असल्याने संबंधित व्यक्तींच्या संपर्क जाळ्याचीही चौकशी केली जात आहे. अशोक खरात याच्याशी संबंधित आर्थिक व्यवहारांचा आकडा मोठा असल्याचा संशय तपासात व्यक्त केला जात आहे.तपास यंत्रणांनी अद्याप कोणत्याही व्यक्तीविरोधात अंतिम निष्कर्ष जाहीर केलेला नसला तरी चौकशीचा वेग वाढवण्यात आला आहे. प्रकरणात राजकीय आणि सामाजिक क्षेत्रातील व्यक्तींच्या नावांचा समावेश झाल्यामुळे हे प्रकरण अधिक संवेदनशील बनले आहे.दरम्यान, संबंधितांकडून याबाबत अधिकृत प्रतिक्रिया मिळू शकलेली नाही. तपास सुरू असल्याने पुढील काही दिवसांत या प्रकरणात आणखी महत्त्वपूर्ण खुलासे होण्याची शक्यता वर्तवली जात आहे.