रोहित जैन आरबीआयचे नवे डेप्युटी गव्हर्नर

RBI कॅबिनेटच्या अपॉइंटमेंट कमिटीने रोहित जैन यांची भारतीय रिझर्व्ह बँकेचे (आरबीआय) नवीन डेप्युटी गव्हर्नर म्हणून नियुक्ती केली आहे. त्यांची ही नियुक्ती तीन वर्षांसाठी असेल, जी ३ मे किंवा त्यानंतरपासून प्रभावी मानली जाईल. जैन सध्याचे डेप्युटी गव्हर्नर टी. रबी शंकर यांची जागा घेतील, ज्यांचा कार्यकाळ आज संपत आहे.

 

 

RBI रोहित जैन यापूर्वी डिसेंबर २०२० पासून आरबीआयमध्ये कार्यकारी संचालक म्हणून सेवा देत होते. कार्यकारी संचालक म्हणून जैन यांनी पर्यवेक्षण विभाग (जोखीम, विश्लेषण आणि असुरक्षितता मूल्यांकन) ची जबाबदारी सांभाळली आहे. केंद्र सरकारने गेल्या महिन्यात डेप्युटी गव्हर्नर पदासाठी चार कार्यकारी संचालकांच्या मुलाखती घेतल्या होत्या, त्यापैकी जैन यांच्या नावावर शिक्कामोर्तब झाले आहे.

RBI जैन यांना रिझर्व्ह बँकेत सुमारे तीन दशकांचा प्रदीर्घ अनुभव आहे. त्यांनी आपल्या कारकिर्दीत पर्यवेक्षण, मनुष्यबळ व्यवस्थापन आणि बँकिंगसह अनेक महत्त्वाच्या क्षेत्रांमध्ये काम केले आहे. शैक्षणिक पात्रतेबद्दल बोलायचे झाल्यास, जैन यांनी कॉमर्समध्ये मास्टर डिग्री आणि बिझनेस अ‍ॅडमिनिस्ट्रेशनमध्ये मास्टर डिग्री मिळवली आहे. यासोबतच त्यांनी बँकिंग रिस्क आणि रेग्युलेशनमध्ये इंटरनॅशनल सर्टिफिकेट आणि सर्टिफाइड असोसिएट ऑफ द इंडियन इन्स्टिट्यूट ऑफ बँकिंग अँड फायनान्स यांसारख्या व्यावसायिक पदव्याही घेतल्या आहेत. ते एक सर्टिफाइड बँक ट्रेनर देखील आहेत.