आता हिंदू मुलींसाठी नवा फास 'जिम जिहाद’

gym jihad उत्तर प्रदेशातील मिर्झापूरमध्ये समोर आलेल्या ‘जिम जिहाद’ प्रकरणात पोलिसांनी मोठी कायदेशीर कारवाई करत १० जिम चालकांवर गँगस्टर कायदा लागू केला आहे. या प्रकरणात महिलांना जिम प्रशिक्षणाच्या नावाखाली फसवून त्यांचे शोषण, ब्लॅकमेल आणि धर्मांतरासाठी दबाव आणल्याचे गंभीर आरोप करण्यात आले आहेत.

पोलिसांच्या माहितीनुसार, जानेवारी आणि फेब्रुवारी महिन्यात या प्रकरणातील सर्व १० आरोपींना अटक करण्यात आली होती. सध्या ते न्यायालयीन कोठडीत असून तपास सुरू आहे. प्राथमिक तपास आणि तक्रारींच्या आधारे ही कारवाई करण्यात आली आहे. मिर्झापूर पोलिस प्रशासनाने सांगितले की, वरिष्ठ अधिकाऱ्यांच्या मंजुरीनंतर गँगस्टर कायदा लागू करण्यात आला आहे. या कायद्यांतर्गत आरोपींच्या कथित अवैध कृत्यांतून मिळवलेल्या मालमत्तेचा शोध घेऊन ती जप्त करण्याची प्रक्रिया देखील सुरू होऊ शकते.

हे प्रकरण अनेक महिलांच्या तक्रारींमधून उघडकीस आले. तक्रारींनंतर एफआयआर नोंदवण्यात आला आणि संबंधित जिम सील करण्यात आल्या. तपास यंत्रणांच्या अंदाजानुसार, या कथित रॅकेटमध्ये ५० हून अधिक महिला प्रभावित झाल्या असाव्यात, मात्र याबाबतची अधिकृत पुष्टी तपास पूर्ण झाल्यानंतरच होणार आहे.

पोलिसांच्या दाव्यानुसार, आरोपींनी जिम आणि फिटनेस प्रशिक्षणाच्या नावाखाली महिलांशी संपर्क वाढवून त्यांचे खासगी फोटो आणि व्हिडिओ मिळवत ब्लॅकमेल केले.gym jihad त्यानंतर पैशांची मागणी आणि धर्मांतरासाठी दबाव टाकल्याचा आरोप आहे. पोलिसांनी या संपूर्ण प्रकरणाला ‘जिम जिहाद’ असे नाव दिले आहे.

या प्रकरणात मुख्य आरोपी इम्रान खानसह सर्व १० जणांविरुद्ध आरोपपत्र दाखल करण्यात आले आहे. तसेच उत्तर प्रदेश गुंडगिरी आणि समाजविघातक कृत्ये (प्रतिबंध) कायद्यांतर्गत अतिरिक्त कलमेही जोडण्यात आली आहेत. सध्या आर्थिक तपास सुरू असून, अवैध संपत्ती आढळल्यास ती जप्त करण्याची कारवाई केली जाणार आहे. हे प्रकरण मिर्झापूरमध्ये मोठ्या चर्चेचा विषय बनले असून पोलीस पुढील तपासात पीडित आणि संभाव्य तक्रारदारांशी संपर्क साधत आहेत.