बटाटा चिप्सच काळे पडणार नाही होणार पांढरेशुभ्र

Potato chips उन्हाळा सुरू झाला की घराघरात वाळवणाची लगबग दिसू लागते. पापड, लोणची, सांडगे आणि बटाटा चिप्स हे अनेक घरांमध्ये पारंपरिक पद्धतीने तयार केले जाणारे पदार्थ आहेत. विशेषतः बटाटा चिप्स हा प्रकार मुलांपासून मोठ्यांपर्यंत सर्वांच्याच आवडीचा असल्याने उन्हाळ्यात त्याची मोठ्या प्रमाणावर तयारी केली जाते. मात्र चिप्स वाळवताना किंवा साठवताना ते काळे पडण्याची समस्या अनेकदा निर्माण होते. यावर पारंपरिक घरगुती उपाय म्हणून तुरटीचा वापर केला जातो.

 

 

बटाटा चिप्स तयार करण्यासाठी सर्वप्रथम चांगल्या दर्जाचे बटाटे निवडून ते सोलून पातळ चकत्या कापल्या जातात. कापलेल्या चकत्या स्वच्छ पाण्यात ठेवून त्यातील स्टार्च काढून टाकणे महत्त्वाचे असते. यानंतर पाण्यात थोडी तुरटी विरघळवून त्या पाण्यात चकत्या काही वेळ भिजत ठेवण्याची पारंपरिक पद्धत वापरली जाते. तुरटीमुळे बटाट्यांचा रंग टिकून राहण्यास मदत होते आणि चिप्स काळे पडण्याची शक्यता कमी होते.

 

 

 

यानंतर चकत्या Potato chips  स्वच्छ पाण्याने धुऊन मीठाच्या पाण्यात हलकासा उकळवून घेतल्या जातात. काही घरांमध्ये यामध्ये हळद किंवा लिंबाचा रसही वापरला जातो, मात्र तुरटीचा वापर विशेषतः रंग टिकवण्यासाठी महत्त्वाचा मानला जातो. उकळलेल्या चकत्या स्वच्छ कापडावर पसरवून उन्हात व्यवस्थित वाळवण्यात येतात. चांगल्या उन्हात दोन ते तीन दिवसांत कुरकुरीत चिप्स तयार होतात.पूर्णपणे वाळल्यानंतर या चिप्स हवाबंद डब्यात साठवून ठेवता येतात. गरजेनुसार त्या तळून खाल्ल्या जातात आणि त्यांचा कुरकुरीत स्वाद उन्हाळ्यातील घरगुती मेजवानीत विशेष रंगत आणतो. पारंपरिक पद्धतीने केलेली ही वाळवण प्रक्रिया आजही ग्रामीण तसेच शहरी घरांमध्ये मोठ्या आवडीने जपली जाते.