छत्तीसगडमध्ये २०० वनवासींची घरवापसी!

Homecoming for 200 Tribals छत्तीसगडमधील कवर्धा जिल्ह्यातील पांडरिया येथे एक मोठा धार्मिक आणि सामाजिक कार्यक्रम पार पडला. या कार्यक्रमात एका पाद्रीसह सुमारे २०० वनवासी समाजातील सदस्यांनी इतर धर्मांचा त्याग करून आपल्या मूळ धर्मात परतल्याचे सांगण्यात आले आहे. संपूर्ण सोहळा पारंपरिक विधी आणि धार्मिक परंपरेनुसार पार पडल्याचे आयोजकांचे म्हणणे आहे. या प्रसंगी स्थानिक आमदार भावना बोहरा यांनी उपस्थित राहून कार्यक्रमात सहभागी झालेल्या लोकांचे स्वागत केले. आयोजकांच्या मते, हा कार्यक्रम सामाजिक एकता आणि सांस्कृतिक पुनर्जागरणाचे प्रतीक आहे.

 

 

 

स्थानिक स्तरावर गेल्या काही काळापासून अशा प्रकारच्या ‘घरवापसी’ कार्यक्रमांची संख्या वाढत असल्याचेही सांगितले जाते. या पार्श्वभूमीवर सुमारे ७०० हून अधिक लोकांनी विविध टप्प्यांवर मूळ धर्मात परतल्याचा दावा केला जात आहे. दरम्यान, या घडामोडीमुळे परिसरात विविध प्रतिक्रिया उमटत आहेत. काही सामाजिक कार्यकर्त्यांच्या मते, आदिवासी समाजात त्यांच्या परंपरा आणि संस्कृतीबद्दल जागरूकता वाढत आहे, तर अशा कार्यक्रमांवरून सामाजिक स्तरावर चर्चाही सुरू आहे.