रस्त्यावर हरवलेले आयुष्य पुन्हा घराकडे परतले

Abhay Nanded case मुंबईतील मुंबई पोलीस दलाच्या एका नियमित कारवाईदरम्यान घडलेल्या घटनेने सर्वांचे लक्ष वेधले असून, रस्त्यावर भिकाऱ्यांच्या पुनर्वसनासाठी सुरू असलेल्या मोहिमेत एक अनपेक्षित आणि हृदयस्पर्शी वळण समोर आले आहे. मालाड परिसरात आढळलेला विशीतील एक तरुण अखेर नांदेडमधील आपल्या कुटुंबाशी पुन्हा एकत्र आला असून, मानसिक आरोग्याच्या समस्येमुळे झालेल्या त्याच्या बेपत्ता होण्याचा आणि रस्त्यावर जगण्याचा काळ दुःखदरीत्या संपला आहे.

 

 

ही घटना मालाड येथील एस. व्ही. रोड परिसरात घडली. भिकाऱ्यांच्या पुनर्वसनासाठी पोलिसांचे पथक कार्यरत असताना कॉन्स्टेबल कोमलसिंग जाधव यांना एक तरुण संशयास्पद अवस्थेत आढळला. तो गोंधळलेला असून साध्या प्रश्नांनाही स्पष्ट उत्तरे देऊ शकत नव्हता. परिस्थितीचे गांभीर्य ओळखून त्याला तातडीने पोलीस ठाण्यात नेण्यात आले. तेथे त्याची प्राथमिक काळजी घेत त्याला आंघोळ, अन्न आणि विश्रांती देण्यात आली.

 

 

थोडा सावरल्यानंतर Abhay Nanded case पोलिसांनी त्याच्याशी संवाद साधण्याचा प्रयत्न केला असता, त्याने आपले नाव ‘अभय’ असल्याचे सांगितले आणि तो नांदेड जिल्ह्यातील तामसा येथील होमिओपॅथीच्या तिसऱ्या वर्षाचा विद्यार्थी असल्याची माहिती दिली. त्याने काही महिन्यांपूर्वी रेल्वे प्रवासादरम्यान बॅग चोरीला गेल्याचे आणि त्यात कुटुंबाचे संपर्क क्रमांक असलेली कागदपत्रे हरवल्याचे सांगितले.पुढील तपासात पोलिसांनी नांदेड येथील तामसा पोलीस ठाण्याशी संपर्क साधला असता, त्याच वर्णनाचा एक तरुण बेपत्ता असल्याची तक्रार नोंदवलेली असल्याचे स्पष्ट झाले. या धाग्यावरून अधिक माहिती मिळवत पोलिसांनी कुटुंबाशी संपर्क साधला. अभयचे वडील शिक्षक असून मोठा भाऊ सरकारी रुग्णालयात डॉक्टर असल्याचे समोर आले. त्यांनी सांगितले की अभय मानसिक आरोग्याच्या समस्येशी झुंज देत होता आणि दीड महिन्यांपूर्वी कोणालाही न सांगता घरातून निघून गेला होता.या प्रकरणात वरिष्ठ निरीक्षक दुष्यंत चव्हाण आणि डीसीपी संदीप घुगे यांच्या मार्गदर्शनाखाली उपनिरीक्षक कागलकर यांनी समन्वय साधून तपास वेगाने पुढे नेला. फोटो ओळख आणि तांत्रिक पडताळणीनंतर कुटुंब मुंबईत दाखल झाले.रात्री उशिरा मालाड पोलीस ठाण्यात झालेला तो क्षण अत्यंत भावनिक ठरला. अनेक दिवसांच्या शोधानंतर मुलगा समोर दिसताच कुटुंबीयांना अश्रू अनावर झाले. अभयलाही आपल्या कुटुंबाची ओळख पटताच तो भावनिक झाला. उपस्थित पोलिसांनी दाखवलेल्या संवेदनशीलतेबद्दल कुटुंबाने आभार मानले.