गुरिंदरवीर सिंगचा विक्रमवीर पराक्रम! १०० मीटरमध्ये नवा इतिहास

Gurindervir Singh 100m record रांची येथील बिरसा मुंडा स्टेडियमवर भारतीय ॲथलेटिक्सच्या इतिहासात सुवर्णाक्षरांनी नोंद होईल अशी कामगिरी पाहायला मिळाली. भारतीय ॲथलेटिक्स महासंघाच्या स्पर्धेत पंजाबचा २५ वर्षीय धावपटू गुरिंदरवीर सिंग याने पुरुषांच्या १०० मीटर शर्यतीत अवघ्या १०.०९ सेकंदांची वेळ नोंदवत नवा राष्ट्रीय विक्रम प्रस्थापित केला. विशेष म्हणजे, भारतीय ॲथलेटिक्सच्या इतिहासात पहिल्यांदाच १०.१० सेकंदांचा टप्पा पार करत हा विक्रम नोंदवण्यात आला आहे.

 

 

शर्यत पूर्ण होताच गुरिंदरवीर सिंगने आनंदाच्या भरात आपला बिब नंबर फाडून टाकत बूट ट्रॅकवर फेकले आणि जोरदार जल्लोष केला. आपल्या कामगिरीबाबत प्रतिक्रिया देताना त्याने भारतीय खेळाडूंच्या क्षमतेवर संशय घेणाऱ्यांना उत्तर दिले असून, भारतीय खेळाडूंमध्ये प्रचंड क्षमता असल्याचे ठामपणे सांगितले.या शर्यतीत केवळ राष्ट्रीयच नव्हे तर आशियाई स्तरावरही मोठी स्पर्धा पाहायला मिळाली. या हंगामात त्याची वेळ आशियातील दुसऱ्या क्रमांकाची सर्वात जलद ठरली असून तो जागतिक दर्जाच्या कामगिरीच्या अगदी जवळ पोहोचला आहे. तसेच आगामी आंतरराष्ट्रीय स्पर्धांसाठी पात्रता निकषही त्याने सहज पार केले आहेत.स्पर्धेतील अंतिम फेरी अत्यंत रोमांचक ठरली, ज्यात अनिमेश कुजूर आणि गुरिंदरवीर सिंग यांच्यात जोरदार चुरस पाहायला मिळाली. अंतिम फेरीत गुरिंदरवीरने प्रतिस्पर्ध्यापेक्षा अधिक वेग दाखवत निर्णायक आघाडी घेतली आणि सुवर्णपदकावर नाव कोरले. या स्पर्धेत प्रणव गुरव यानेही १०.२९ सेकंदांची वेळ नोंदवत तिसरे स्थान पटकावले.याच स्पर्धेत पुरुषांच्या ४०० मीटर शर्यतीतहीGurindervir Singh 100m record ऐतिहासिक कामगिरी नोंदली गेली. विशाल याने ४४.९८ सेकंदांची वेळ नोंदवत नवा राष्ट्रीय विक्रम प्रस्थापित केला. ४५ सेकंदांच्या आत शर्यत पूर्ण करणारा तो पहिला भारतीय धावपटू ठरला आहे. या शर्यतीत तामिळनाडूच्या राजेश रमेश यांनी दुसरे आणि उत्तर प्रदेशच्या जय कुमार यांनी तिसरे स्थान मिळवले.

 

 

या स्पर्धेमुळे भारतीय ॲथलेटिक्समध्ये वेग आणि कामगिरीच्या नव्या पातळीची सुरुवात झाल्याचे मानले जात असून, आगामी आंतरराष्ट्रीय स्पर्धांमध्ये भारतीय खेळाडूंच्या कामगिरीकडे आता सर्वांचे लक्ष लागले आहे.