‘पेड्डी’ कार्यक्रमात गोंधळ; राम चरण यांची बुमराहबाबत चूक, नंतर लगेच माफी

Ram Charan दाक्षिणात्य चित्रपटसृष्टीतील लोकप्रिय अभिनेता राम चरण यांनी भारतीय वेगवान गोलंदाज जसप्रीत बुमराह यांच्याबाबत केलेल्या चुकीच्या विधानावर सार्वजनिकरित्या दिलगिरी व्यक्त केली आहे. त्यांच्या आगामी ‘पेड्डी’ चित्रपटाच्या प्रमोशनल कार्यक्रमात झालेल्या या घटनेनंतर सोशल मीडियावर मोठी चर्चा सुरू झाली होती.

 

 

भोपाळ येथे आयोजित ‘पेड्डी’ चित्रपटाच्या एका कार्यक्रमात राम चरण यांनी प्रेक्षकांशी संवाद साधताना भारतीय क्रिकेटपटूंबाबत बोलताना बुमराह यांचा उल्लेख चुकून फुटबॉल खेळाडू म्हणून केला. या वक्तव्यानंतर उपस्थितांमध्ये काही काळ गोंधळाची स्थिती निर्माण झाली, तर सोशल मीडियावर या व्हिडिओची जोरदार चर्चा सुरू झाली.कार्यक्रमातील या वक्तव्यानंतर अनेकांनी प्रतिक्रिया देत ही चूक अधोरेखित केली. काहींनी याकडे हलक्याफुलक्या विनोदाच्या दृष्टीने पाहिले, तर काहींनी सार्वजनिक व्यासपीठावर अशा चुकीबद्दल नाराजी व्यक्त केली.

यानंतर राम चरण यांनी Ram Charan  तातडीने सोशल मीडियावर निवेदन देत या प्रकाराबद्दल माफी मागितली. त्यांनी स्पष्ट केले की त्यांच्या मनात जसप्रीत बुमराह यांच्याबद्दल पूर्ण आदर आहे आणि कार्यक्रमातील उत्साहात ही अनवधानाने झालेली चूक होती. त्यांनी ही घटना “मानवी चूक” असल्याचे सांगत दिलगिरी व्यक्त केली.दरम्यान, ‘पेड्डी’ हा एक बहुप्रतिक्षित स्पोर्ट्स ड्रामा असून दिग्दर्शक बुची बाबू सना यांच्या दिग्दर्शनाखाली हा चित्रपट तयार होत आहे. राम चरण यांच्या भूमिकेबाबत प्रेक्षकांमध्ये मोठी उत्सुकता आहे.या प्रकरणानंतर चाहत्यांमध्ये संमिश्र प्रतिक्रिया उमटल्या असल्या तरी राम चरण यांनी दिलेल्या स्पष्टीकरणानंतर वातावरण काहीसे शांत झाले आहे.