ऐश्वर्याची ढाल बनली कंगणा...

Kangana Ranaut जगप्रसिद्ध कान्स फिल्म फेस्टिव्हलमध्ये अभिनेत्री ऐश्वर्या राय बच्चन हिच्या उपस्थितीची चाहत्यांना नेहमीच उत्सुकता असते. यंदाही ऐश्वर्याने लेक आराध्या बच्चनसोबत रेड कार्पेटवर हजेरी लावताच सोशल मीडियावर तिच्या लूकची जोरदार चर्चा रंगली. मात्र तिच्या फॅशन आणि वयावरून काही नेटकऱ्यांनी केलेल्या टीकेनंतर अभिनेत्री आणि खासदार कंगना राणौत यांनी ट्रोलर्सना सडेतोड उत्तर दिले आहे.

 

 

कान्स २०२६ मध्ये ऐश्वर्याने डिझायनर अमित अग्रवाल यांनी डिझाइन केलेला निळ्या रंगाचा आकर्षक गाऊन परिधान केला होता. या गाऊनच्या निर्मितीसाठी जवळपास १५०० तास लागल्याचे सांगितले जात आहे. रेड कार्पेटवरील तिचे फोटो आणि व्हिडीओ सोशल मीडियावर व्हायरल होताच चाहत्यांकडून कौतुकाचा वर्षाव झाला. अनेकांनी तिच्या सौंदर्याचे आणि आत्मविश्वासाचे कौतुक केले, तर काहींनी तिच्या वयावरून आणि स्टाइलवरून नकारात्मक प्रतिक्रिया दिल्या.

या वाढत्या चर्चेदरम्यानKangana Ranaut  कंगना राणौत यांनी इन्स्टाग्राम स्टोरीद्वारे ऐश्वर्याच्या समर्थनार्थ भूमिका मांडली. ऐश्वर्याचा फोटो शेअर करत त्यांनी फॅशन आणि स्टाइल ही प्रत्येक व्यक्तीची वैयक्तिक अभिव्यक्ती असल्याचे नमूद केले. कोणतीही महिला इतरांना आनंदी करण्यासाठी रेड कार्पेटवर येत नाही, असे सांगत कंगनांनी ट्रोलर्सवर निशाणा साधला.कंगनांनी आपल्या पोस्टमध्ये लिहिले की, ऐश्वर्या या लूकमध्ये अत्यंत सुंदर दिसत असून लोकांनी इतरांवर टीका करण्याआधी स्वतःकडे पाहण्याची गरज आहे. ऐश्वर्या तिच्या आत्मविश्वासामुळे आणि स्वतःच्या वेगळ्या ओळखीमुळे रेड कार्पेटवर उपस्थित राहत असल्याचेही त्यांनी म्हटले.

 

 

याचबरोबर वयावरून Kangana Ranaut  होणाऱ्या टिप्पण्यांवरही कंगनांनी नाराजी व्यक्त केली. रेड कार्पेटवर वयस्कर महिलांना पाहण्याची सवय नसल्यास लोकांनी ती आता करून घ्यावी, अशा शब्दांत त्यांनी ट्रोलर्सना सुनावले. ऐश्वर्या राय बच्चन गेली दोन दशकांहून अधिक काळ कान्स फिल्म फेस्टिव्हलचा भाग असून, तिचे प्रत्येक वर्षीचे रेड कार्पेट लूक जगभरातील फॅशनप्रेमींसाठी चर्चेचा विषय ठरतात, असेही त्यांनी नमूद केले.दरम्यान, ऐश्वर्याच्या या लूकवर सोशल मीडियावर अद्यापही विविध प्रतिक्रिया उमटत असून, तिच्या स्टाइल स्टेटमेंटची चर्चा फॅशनविश्वात रंगताना दिसत आहे.