पुढील काही दिवस वादळी पावसाचा इशारा

weather update शहर आणि परिसरात पुढील काही दिवस वादळी पावसाची शक्यता वर्तवण्यात आली असून हवामानात अचानक बदल होण्याचा अंदाज हवामान विभागाने व्यक्त केला आहे. शहरात दुपारनंतर ढगाळ वातावरण निर्माण होण्याची शक्यता असून काही भागांत हलका ते मध्यम स्वरूपाचा पाऊस आणि विजांच्या कडकडाटासह वादळाची स्थिती निर्माण होऊ शकते, असा इशारा देण्यात आला आहे.

 

 

भारतीय हवामान पुणे विभागाने दिलेल्या अंदाजानुसार, विदर्भ आणि मराठवाड्यातील काही भागांमध्ये तयार होणाऱ्या हवामान प्रणालीचा परिणाम म्हणून पुणे परिसरातही आर्द्रता वाढून अस्थिर वातावरण निर्माण झाले आहे. त्यामुळे पुढील काही दिवस दुपार आणि सायंकाळच्या सुमारास पावसाच्या सरी कोसळण्याची शक्यता अधिक आहे.हवामान विभागाने नागरिकांना वादळी वाऱ्यांच्या वेळी सुरक्षित ठिकाणी weather update  राहण्याचे आवाहन केले असून, विजांच्या कडकडाटादरम्यान मोकळ्या मैदानात, झाडाखाली किंवा धोकादायक ठिकाणी थांबू नये, असा सल्ला देण्यात आला आहे. अचानक येणाऱ्या पावसामुळे शहरातील काही भागांमध्ये वाहतुकीवरही परिणाम होण्याची शक्यता वर्तवली जात आहे.पावसाच्या या शक्यतेमुळे तापमानात काही अंशी घट होण्याची अपेक्षा असून गेल्या काही दिवसांपासून जाणवणाऱ्या उष्णतेपासून नागरिकांना दिलासा मिळू शकतो. मात्र वादळी वाऱ्यांच्या शक्यतेमुळे शेतकरी वर्गानेही पिकांच्या संरक्षणाबाबत आवश्यक ती खबरदारी घ्यावी, असे आवाहन करण्यात आले आहे.दरम्यान, हवामानातील या बदलामुळे शहरातील दैनंदिन जीवनावर काही प्रमाणात परिणाम होण्याची शक्यता असून नागरिकांनी हवामान विभागाच्या सूचनांचे पालन करावे, असे आवाहन करण्यात आले आहे.