अंतिम फेरीसाठी कस लागणार

IPL १९ वा इंडियन प्रीमियर लीग (आयपीएल) हंगाम आता खèया अर्थाने अंतिम टप्प्यावर आला असून मंगळवारी येथील हिमाचल प्रदेश क्रिकेट संघटनेच्या स्टेडियमवर गतविजेता रॉयल चॅलेंजर्स बंगळुरू आणि गुजरात टायटन्स यांच्यादरम्यान क्वालिफायर एक सामना खेळला जाणार आहे. सलग दुसèयांदा आयपीएल विजेतेपद पटकावण्याच्या बंगळुरूच्या मोहिमेची खरी कसोटी गुजरातविरुद्ध खेळताना ठरणार आहे. बंगळुरूला गुजरातच्या या हंगामातील सर्वात शिस्तबद्ध गोलंदाजी आक्रमणाचा सामना करावा लागणार आहे. हा सामना म्हणजे बंगळुरूची फलंदाजीतील खोली विरुद्ध गुजरातची अविरत गोलंदाजीची यंत्रणा असा रंगेल. या सामन्यातून थेट अंतिम फेरीत स्थान मिळविणे पणाला लागले आहे.

 

 

 

IPL  १४ साखळी सामन्यांनंतर दोन्ही संघांनी लीग टप्प्याची सांगता प्रत्येकी १८ गुणांसह केली; मात्र, सरस धावगतीमुळे (नेट रन रेट) बंगळुरूने अव्वल स्थान पटकावले.

रॉयल चॅलेंजर्स बंगळुरू आणि गुजरात टायटन्स हे कदाचित २०२६ मधील दोन सर्वात परिपूर्ण संघ ठरले आहेत, तरीही प्ले-ऑफमध्ये पोहोचण्यासाठी त्यांनी पूर्णपणे भिन्न मार्ग अवलंबले आहेत. कर्णधार रजत पाटीदारच्या नेतृत्वाखाली रॉयल चॅलेंजर्स बंगळुरूने आपल्या मोहिमेची उभारणी आक्रमक फलंदाजीवर आणि मागील हंगामांच्या तुलनेत अधिक भरवशाच्या गोलंदाजी फळीवर केली.

 

IPL विद्यमान विजेत्या संघाने या हंगामात वारंवार 200 धावांचा टप्पा ओलांडला. डावाच्या सुरुवातीला दिग्गज फलंदाज विराट कोहलीचा अनुभव, तसेच गोलंदाजीमध्ये जोश हेझलवूड व भुवनेश्वर कुमार या वेगवान गोलंदाजांच्या जोडीची साथ, या दोन्ही गोष्टींचा त्यांना प्रचंड फायदा झाला.

परक्या मैदानावर विजय मिळवण्याची व अटीतटीचे सामने आपल्या बाजूने वळविण्याची त्यांची क्षमता, यामुळेच ते साखळी फेरीतील सर्वात सातत्यपूर्ण संघांपैकी एक ठरले. तसेच, धर्मशाला येथील परिस्थितीशी असलेल्या अलीकडील परिचयाचा फायदाही बंगळुरू संघाला मिळणार आहे; याच मैदानावर त्यांनी या महिन्याच्या सुरुवातीला पंजाब किंग्सविरुद्ध एक अत्यंत महत्त्वपूर्ण विजय नोंदवला होता.

IPL दरम्यान, गुजरात टायटन्स संघाने आपल्या भेदक गोलंदाजीच्या जोरावर आणि अशा एका भक्कम फलंदाजीच्या आघाडीच्या बळावर प्ले-ऑफमध्ये धडक मारली आहे. गुजरातने प्रतिस्पर्ध्यांना क्वचितच कधी दबाव निर्माण करण्याची संधी दिली. कर्णधार शुभमन गिल, शैलीदार फलंदाज बी. साई सुदर्शन आणि आक्रमक यष्टिरक्षक-फलंदाज जोस बटलरने संघाला तितक्याच प्रमाणात स्थैर्य व आक्रमकता प्रदान केली आहे. परंतु, या हंगामाच्या दुसèया टप्प्यात गुजरातची गोलंदाजीच विशेषत्वाने उठून दिसली आहे. मोहम्मद सिराज, कॅगिसो रबाडा आणि प्रसिध कृष्णा या वेगवान गोलंदाजांच्या त्रिकुटाने नव्या चेंडूवर सातत्याने बळी मिळविले आहेत; तर रशीद खान व डावखुरा फिरकी गोलंदाज आर. साई किशोरने सामन्याच्या मधल्या षटकांवर अत्यंत खुबीने नियंत्रण मिळविले आहे. आपल्या शेवटच्या साखळी सामन्यात चेन्नई सुपर किंग्सला 89 धावांनी पराभूत केल्यानंतर गुजरात टायटन्स संघ दमदार लयीत क्वालिफायर 1 लढतीत उतरत आहे.