“अणु साहित्य तात्काळ अमेरिकेकडे द्या किंवा जागेवरच नष्ट करा” ट्रम्प यांचा इराणला कठोर इशारा

us iran war अमेरिका आणि इराण यांच्यातील तणाव पुन्हा एकदा तीव्र झाला असून, अमेरिकेचे माजी अध्यक्ष डोनाल्ड ट्रम्प यांनी इराणच्या संवर्धित युरेनियमबाबत अत्यंत कठोर भूमिका घेतली आहे. त्यांच्या म्हणण्यानुसार हे अणु साहित्य तातडीने अमेरिकेकडे सोपवले पाहिजे, जेणेकरून ते सुरक्षितरीत्या नष्ट करता येईल, किंवा पर्यायी मार्ग म्हणून इराणच्या सहमतीने ते स्वतःच्या ठिकाणीच नष्ट करण्यात यावे.

 

 

ट्रम्प यांनी त्यांच्या ‘ट्रुथ सोशल’ या प्लॅटफॉर्मवर पोस्ट करत या प्रक्रियेवर आंतरराष्ट्रीय अणु संस्थांसारख्या स्वतंत्र यंत्रणेकडून देखरेख ठेवली जावी, अशी मागणी केली आहे. जगाला विश्वास बसावा की या संवर्धित युरेनियमचा वापर अण्वस्त्र निर्मितीसाठी होणार नाही, यासाठी संपूर्ण प्रक्रिया पारदर्शक असावी, असेही त्यांनी स्पष्ट केले आहे.

दरम्यान, इराणने मात्र अमेरिकेसोबत लवकरच कोणताही अंतिम करार होण्याची शक्यता नसल्याचे स्पष्ट केले आहे. परराष्ट्र मंत्रालयाचे प्रवक्ते इस्माईल बाकाई यांनी सांगितले की, चर्चांमध्ये काही प्रगती झाली असली तरी कराराच्या अंतिम टप्प्यावर पोहोचलेले नाही. कोणताही करार तातडीने होईल, असे म्हणणे वास्तववादी नाही, असे त्यांनी नमूद केले.

बाकाई यांनी पुढे सांगितले की, सध्या सुरू असलेल्या चर्चांचा मुख्य उद्देश संघर्ष कमी करणे हा आहे, मात्र अणु कार्यक्रम किंवा होर्मुझ सामुद्रधुनीच्या व्यवस्थापनासारखे मुद्दे या संभाव्य कराराचा भाग नाहीत.us iran war अमेरिका आणि इराणमधील या परस्परविरोधी भूमिकांमुळे पुन्हा एकदा राजनैतिक तणाव वाढण्याची शक्यता व्यक्त केली जात आहे.