मोठी बातमी! श्रीकांत शिंदे यांच्या ताफ्यातील चार गाड्यांचा अपघात

ShriKant Shinde नांदेड जिल्ह्यातील नांदेड–नायगाव मार्गावर खासदार श्रीकांत शिंदे यांच्या ताफ्यातील चार वाहनांचा अपघात झाल्याची घटना घडली आहे. सुदैवाने या दुर्घटनेत कोणतीही जीवितहानी झालेली नसून, ताफ्यातील वाहनांचे मोठे नुकसान झाले आहे. अपघातावेळी श्रीकांत शिंदे हे नांदेडमध्ये शिवसंवाद यात्रेच्या दौऱ्यावर होते.

 

 

मिळालेल्या माहितीनुसार, ताफा नांदेडहून नायगावच्या दिशेने जात असताना समोरून आलेल्या एका वाहनामुळे अचानक परिस्थिती बिघडली. नियंत्रण सुटल्याने ताफ्यातील चार वाहने एकमेकांवर आदळली. या धडकेत वाहनांचे मोठ्या प्रमाणावर नुकसान झाले, मात्र सुदैवाने कोणत्याही प्रकारची जखमी किंवा जीवितहानी झाल्याचे वृत्त नाही.या ताफ्यात खासदार शिंदे यांचे काही कार्यकर्ते तसेच आरोग्य विभागातील कर्मचारीही प्रवास करत होते. अपघातानंतर परिसरात काही काळ गोंधळाचे वातावरण निर्माण झाले होते. घटनेची माहिती ShriKant Shinde  मिळताच स्थानिक प्रशासन आणि पोलिसांनी घटनास्थळी धाव घेऊन परिस्थिती नियंत्रणात आणली.

 

 

अपघाताचे नेमके कारण अद्याप स्पष्ट झाले नसले तरी प्राथमिक अंदाजानुसार अचानक समोर आलेल्या वाहनामुळे ताफ्यातील गाड्यांची साखळी प्रतिक्रिया होऊन हा अपघात घडल्याचे सांगितले जात आहे. पुढील तपास स्थानिक पोलिसांकडून सुरू आहे.