भारतीय नौसेनेत अधिकारी होण्याची संधी; बीटेक कॅडेट भरतीसाठी अर्ज सुरू

indian navy applications open भारतीय नौसेनेत अधिकारी म्हणून करिअर घडवण्याचे स्वप्न पाहणाऱ्या तरुणांसाठी एक महत्त्वाची संधी उपलब्ध झाली आहे. 10+2 (बी.टेक) कॅडेट एन्ट्री जानेवारी 2027 बॅचसाठी अर्ज प्रक्रिया आजपासून अधिकृतपणे सुरू करण्यात आली आहे. इच्छुक आणि पात्र उमेदवारांना भारतीय नौसेनेच्या अधिकृत वेबसाइटवर जाऊन ऑनलाइन नोंदणी करण्याची सुविधा देण्यात आली आहे. या भरती मोहिमेअंतर्गत एकूण 60 रिक्त पदांवर निवड केली जाणार असून, देशातील गुणवंत विद्यार्थ्यांना नौसेनेत अधिकारी होण्याचा मार्ग खुला होणार आहे.

 

 

 

या भरतीत मेकॅनिकल इंजिनिअरिंग आणि इलेक्ट्रॉनिक्स व कम्युनिकेशन इंजिनिअरिंग या दोन शाखांचा समावेश आहे. दोन्ही शाखांमध्ये प्रत्येकी 30-30 जागा निश्चित करण्यात आल्या आहेत. निवड झालेल्या उमेदवारांना भारतीय नौसेनेत अधिकारी पदावर कार्य करण्याची संधी मिळणार असून, देशसेवेबरोबरच प्रतिष्ठित व्यावसायिक कारकिर्दीची सुरुवात करण्याचा मार्गही खुला होणार आहे.

अर्जासाठी आवश्यक पात्रतेनुसार उमेदवारांची जन्मतारीख अधिसूचनेत नमूद केलेल्या मर्यादेत असणे गरजेचे आहे, जी 02 जुलै 2027 ते 01 जानेवारी 2010 दरम्यान निश्चित करण्यात आली आहे. शैक्षणिक अर्हतेनुसार उमेदवाराने भौतिकशास्त्र, रसायनशास्त्र आणि गणित या विषयांसह 12वी परीक्षा किमान 70 टक्के गुणांसह उत्तीर्ण केलेली असणे आवश्यक आहे. तसेच इंग्रजी विषयात 10वी किंवा 12वीमध्ये किमान 50 टक्के गुण असणेही बंधनकारक आहे.

अर्ज प्रक्रिया पूर्णपणे ऑनलाइन पद्धतीने राबवली जात आहे. उमेदवारांनी भारतीय नौसेनेच्या अधिकृत संकेतस्थळावर जाऊन “Online e-application” या लिंकवर क्लिक करून नोंदणी करावी लागेल. त्यानंतर आवश्यक वैयक्तिक तसेच शैक्षणिक माहिती भरून आवश्यक कागदपत्रे JPG किंवा TIFF स्वरूपात अपलोड करावी लागतील. अर्ज पूर्ण झाल्यानंतर त्याची प्रिंट काढून सुरक्षित ठेवण्याचा सल्ला देण्यात आला आहे.

निवड प्रक्रिया दोन टप्प्यांत पार पडणार आहे. सुरुवातीला उमेदवारांची शॉर्टलिस्टिंग केली जाईल आणि त्यानंतर निवड झालेल्या उमेदवारांना सर्व्हिस सिलेक्शन बोर्ड (SSB) मुलाखतीसाठी बोलावले जाईल.indian navy applications open अंतिम निवड SSB मुलाखत आणि वैद्यकीय तपासणीच्या आधारे तयार होणाऱ्या गुणवत्ता यादीवर आधारित असेल.

ही भरती तांत्रिक शिक्षण घेतलेल्या आणि भारतीय नौसेनेत अधिकारी म्हणून देशसेवेची इच्छा बाळगणाऱ्या तरुणांसाठी एक सुवर्णसंधी मानली जात आहे.