‘देऊळ बंद २’ची कोटींची कमाई सुरूच

 

 

Deool Band 2 Earns Crores मराठी चित्रपटसृष्टीत सध्या ‘देऊळ बंद २’ची जोरदार चर्चा सुरू असून या चित्रपटाने बॉक्स ऑफिसवर उल्लेखनीय कामगिरी करत नवा विक्रम आपल्या नावावर केला आहे. तुलनेने कमी बजेटमध्ये तयार झालेल्या या चित्रपटाने प्रेक्षकांचा मोठा प्रतिसाद मिळवत मराठीतील सर्वाधिक कमाई करणाऱ्या चित्रपटांच्या यादीत सहावे स्थान पटकावले आहे.प्रदर्शनानंतर चित्रपटाच्या कमाईचा आलेख सातत्याने उंचावत असून दहाव्या दिवशीही चित्रपटाने दमदार कमाईची नोंद केली. आतापर्यंत या चित्रपटाने सुमारे ३८.३० कोटी रुपयांचा गल्ला जमवला आहे. या यशामुळे २०२२ मध्ये प्रदर्शित झालेल्या ‘पावनखिंड’ चित्रपटालाही त्याने मागे टाकले आहे. ‘देऊळ बंद २’ने आपल्या निर्मिती खर्चाच्या तुलनेत मोठा आर्थिक फायदा मिळवला असून चित्रपटाचा गुंतवणुकीवरील परतावा देखील लक्षणीय ठरला आहे. दिग्दर्शक प्रवीण तरडे यांच्या दिग्दर्शनाखाली साकारलेल्या या चित्रपटाला प्रेक्षकांकडून मिळणारा प्रतिसाद पाहता आगामी दिवसांत तो आणखी नवे विक्रम प्रस्थापित करेल, अशी अपेक्षा व्यक्त केली जात आहे.