दुर्दैवी घटना! पाच जणांचा बुडून मृत्यू

 Five People Drown आंध्र प्रदेशातील कुरनूल जिल्ह्यात तुंगभद्रा नदीत घडलेल्या अत्यंत हृदयद्रावक घटनेने परिसरात शोककळा पसरली आहे. नदीत बुडू लागलेल्या एका अल्पवयीन मुलीचा जीव वाचवण्यासाठी पाच जणांनी पाण्यात उडी घेतली, मात्र दुर्दैवाने हे पाचही जण पाण्याच्या प्रवाहात वाहून जाऊन मृत्युमुखी पडले, तर संबंधित मुलीचा जीव वाचवण्यात यश आले.

 

 

मिळालेल्या माहितीनुसार, ही घटना शनिवारी सायंकाळी सुमारे ४.३० वाजण्याच्या सुमारास घडली. संबंधित मुलगी नदीकाठी पाय धुण्यासाठी गेली असताना घसरून ती खोल पाण्यात पडली आणि बुडू लागली. ही घटना पाहून आसपास असलेल्या पाच स्थानिकांनी तिला वाचवण्यासाठी तत्काळ नदीत उडी घेतली. मात्र, पाण्याचा प्रवाह तीव्र असल्याने आणि परिस्थिती नियंत्रणाबाहेर गेल्याने ते पाचही जण Five People Drown  पाण्यात अडकले आणि त्यांचा मृत्यू झाला.या घटनेची माहिती मिळताच स्थानिक पोलीस आणि राज्य आपत्ती प्रतिसाद दलाच्या पथकाने (एसडीआरएफ) घटनास्थळी धाव घेतली असून शोधमोहीम सुरू करण्यात आली आहे. मृतांची ओळख स्थानिक गावांतील रहिवासी म्हणून पटली आहे.मुलीचा जीव वाचला असला तरी पाच जणांचा मृत्यू झाल्याने या घटनेने परिसरात हळहळ व्यक्त केली जात आहे. जीव वाचवण्याच्या प्रयत्नात पाच जणांना प्राण गमवावे लागल्याची ही दुर्दैवी घटना स्थानिकांसाठी मोठा धक्का ठरली असून मृतांच्या कुटुंबीयांमध्ये शोककळा पसरली आहे.