धडक कारवाई सोबत 'परवाना' रद्द होणार

MSRTC राज्यात एसटी महामंडळाच्या तिकीट व डिजिटल प्रवास प्रणालीतील ‘नॅशनल कॉमन मोबिलिटी कार्ड' ( एनसीएमसी) संदर्भात प्रवाशांमध्ये गोंधळाचे वातावरण निर्माण झाले असून, कार्डच्या वापरासंबंधी नियमांचे उल्लंघन केल्यास कठोर कारवाईचा इशारा देण्यात आला आहे. प्रवाशांच्या सोयीसाठी सुरू करण्यात आलेल्या या स्मार्ट कार्ड प्रणालीत पारदर्शकता राखण्यासाठी प्रशासनाने आता अधिक कडक पावले उचलण्याचे संकेत दिले आहेत.असा स्पष्ट इशारा परिवहन मंत्री तथा एसटी महामंडळाचे अध्यक्ष प्रताप सरनाईक यांनी दिला आहे.

 

 

एसटी महामंडळाने अलीकडील काळात प्रवास अधिक डिजिटल आणि रोखरहित करण्याच्या उद्देशाने एनसीएमसी स्मार्ट कार्ड प्रणाली लागू केली आहे. या कार्डद्वारे सवलतीच्या प्रवासासह विविध सुविधा उपलब्ध करून देण्यात आल्या असून, विद्यार्थी, ज्येष्ठ नागरिक आणि महिलांसाठी ही योजना विशेष महत्त्वाची ठरली आहे. मात्र, या सुविधांचा गैरवापर अथवा नियमांचे उल्लंघन आढळल्यास संबंधितांवर दंडात्मक कारवाईसोबतच परवाना रद्द करण्यापर्यंतची कार्यवाही होऊ शकते. अलीकडेच राज्यभरात एनसीएमसी कार्ड नोंदणीस मोठा प्रतिसाद मिळाला असून, एका आठवड्यातच एक लाखांहून अधिक प्रवाशांनी नोंदणी केली आहे. या कार्ड प्रणालीमुळे प्रवास अधिक सुलभ आणि डिजिटल होणार असल्याचे प्रशासनाचे म्हणणे आहे. तरीही काही ठिकाणी तांत्रिक अडचणी, MSRTC चुकीचे व्यवहार किंवा सवलत प्रक्रियेतील अडथळे याबाबत तक्रारी समोर येत आहेत. त्यामुळे संपूर्ण प्रणाली अधिक सक्षम करण्यावर भर दिला जात आहे.

दरम्यान, सवलतींचा लाभ घेण्यासाठी एनसीएमसी कार्ड अनिवार्य करण्याच्या निर्णयामुळे ग्रामीण तसेच शहरी भागातील प्रवाशांमध्ये मिश्र प्रतिक्रिया उमटत आहेत. काही प्रवासी या निर्णयाचे स्वागत करत असताना, इतरांकडून अंमलबजावणीतील अडचणींबाबत चिंता व्यक्त केली जात आहे.प्रशासनाने स्पष्ट केले आहे की, भविष्यात सर्व एसटी प्रवास डिजिटल व्यवहारांद्वारे अधिक सुलभ MSRTC करण्याचा उद्देश असून, नियमभंग झाल्यास कोणतीही सवलत अथवा परवाना कायम ठेवला जाणार नाही. त्यामुळे प्रवाशांनी नियमानुसारच कार्डचा वापर करावा, असे आवाहनही करण्यात आले आहे.