तलाठ्याची शेतकर्‍यांना उद्धट वागणूक

Farmers complain to District Collector जवळा येथूनच जवळच असलेल्या शेकलगाव येथील शेतकरी व स्थानिक प्रतिनिधींनी संबंधित तलाठी प्रशांत जाधव विरुद्ध उद्धट वर्तन व अयोग्य भाषेचा वापर केल्याचा आरोप करत जिल्हाधिकार्‍यांकडे लेखी तक्रार दाखल केली आहे. या निवेदनानुसार, सोमवार, ४ मे रोजी पिकांच्या नुकसानाबाबत माहिती घेण्यासाठी तलाठी कार्यालयाशी संपर्क साधण्यात आला होता. यावेळी संबंधित तलाठ्याने गैरवर्तन करीत उद्धट वागणूक दिल्याचा आरोप केला आहे. तसेच, शेतकर्‍यांच्या समस्यांकडे दुर्लक्ष होत असल्याचेही तक्रार अर्जात नमूद करण्यात आले आहे.

 

 

 

Farmers complain to District Collector  तक्रारदारांचे म्हणणे आहे की, गावातील काही शेतकर्‍यांच्या पिकांचे नुकसान झाले असून त्याबाबत शासनाकडून मदत मिळवण्यासाठी त्यांनी वारंवार पाठपुरावा केला. मात्र, संबंधित अधिकार्‍यांकडून सहकार्य मिळत नसल्याचा दावा करण्यात आला आहे. या प्रकरणी मोबाइल कॉल रेकॉर्डिंगसह काही प्रशासनाकडे सादर केल्याचे त्यांनी सांगितले. गजानन जाधव, शेख शम्मी शेख रज्जाक, शेख अब्दुल शेख रज्जाक या तक्रारदारांनी याची नि:पक्ष चौकशी करून संबंधितांवर योग्य ती कारवाई करावी. तसेच शेतकर्‍यांना न्याय मिळवून द्यावा, अशी मागणी जिल्हाधिकार्‍यांकडे केली आहे.