कुत्र्यांसारखी गती असून, स्वप्न बघतात 'बडे-बडे'

wtc-2026 : ८ मे पासून सुरू होणाऱ्या दोन सामन्यांच्या कसोटी मालिकेसाठी पाकिस्तानचा संघ काही दिवसांपूर्वी बांगलादेशमध्ये दाखल झाला आहे. २०२५-२७ च्या जागतिक कसोटी चॅम्पियनशिपचा भाग असलेली ही कसोटी मालिका दोन्ही संघांसाठी अत्यंत महत्त्वाची मानली जात आहे. पाकिस्तान सध्या पाचव्या क्रमांकावर आहे, तर बांगलादेश आठव्या क्रमांकावर आहे. या कसोटी मालिकेतील पहिला सामना ढाका येथील शेर-ए-बांगला राष्ट्रीय स्टेडियमवर खेळला जाईल. या कसोटी मालिकेपूर्वी, पाकिस्तानचा स्टार वेगवान गोलंदाज शाहीन आफ्रिदीने एक महत्त्वपूर्ण विधान केले आहे, ज्यावरून त्याने स्पष्ट केले आहे की त्याच्या संघाचे ध्येय केवळ ही मालिका जिंकणे नाही, तर त्याहूनही मोठे काहीतरी आहे.

 

 

 

 

पाकिस्तानची बांगलादेशविरुद्धची शेवटची कसोटी मालिका मायदेशात खेळली गेली होती, ज्यात दोन सामने होते आणि दोन्हीमध्ये त्यांना पराभव पत्करावा लागला होता. या संदर्भात शाहीन आफ्रिदी म्हणाला, "जे होऊन गेले ते होऊन गेले. मला वैयक्तिकरित्या त्यावर विचार करत बसायचे नाही. आमचे सध्याचे ध्येय वर्तमान आणि भविष्यावर लक्ष केंद्रित करणे हे आहे." आम्ही केवळ मालिका जिंकण्याची नव्हे, तर जागतिक कसोटी चॅम्पियनशिपचे विजेतेपद जिंकण्याची तयारी करत आहोत. एक संघ म्हणून आमची ध्येये मोठी आहेत आणि आम्ही त्यासाठी तयार आहोत. पाकिस्तानमधील या कसोटी मालिकेसाठी तयारी करायला आम्हाला वेळ मिळाला होता आणि आता आम्ही गेल्या दोन-तीन दिवसांपासून येथे तयारी करत आहोत. आम्हाला आशा आहे की येथील परिस्थिती आमच्यासाठी अनुकूल असेल, ज्यामुळे आम्हाला आमचा सर्वोत्तम क्रिकेट खेळता येईल.

शाहीन आफ्रिदीने आपल्या निवेदनात पुढे म्हटले आहे की, या जागतिक कसोटी चॅम्पियनशिप चक्रात आम्ही फक्त एकच मालिका खेळलो आहोत, जी मायदेशात दक्षिण आफ्रिकेविरुद्ध होती. त्या मालिकेत आम्ही फक्त एक कसोटी सामना जिंकलो आणि एक हरलो. आम्ही फक्त एका मालिकेवर लक्ष केंद्रित करत नाही आहोत; अंतिम फेरीत पोहोचणे हे आमचे लक्ष्य आहे, हे संपूर्ण संघाला समजले आहे. हे लक्षात घेतले पाहिजे की, पाकिस्तानी संघ सध्याच्या जागतिक कसोटी चॅम्पियनशिप चक्रात ५० टक्के गुणांसह ५ व्या क्रमांकावर आहे.

मागील तीन जागतिक कसोटी स्पर्धांमधील (WTCs) त्यांची कामगिरी पाहता, पाकिस्तानी संघ २०१९-२१ च्या WTC मध्ये ५ व्या, त्यानंतर २०२१-२३ च्या WTC मध्ये ७ व्या स्थानावर राहिला, तर त्यापूर्वीच्या २०२३-२५ च्या WTC मध्ये पाकिस्तान ९ व्या स्थानावर राहून शेवटच्या क्रमांकावर राहिला होता. अशा परिस्थितीत, शाहीन आफ्रिदीने यावेळी अंतिम फेरीत पोहोचण्याबद्दल केलेले विधान हे निव्वळ बढाईखोरपणाचे वाटते.