'तारा' करणार लक्ष्यावर अचूक प्रहार!

target accurately भारताच्या संरक्षण संशोधन आणि विकास संस्थेने (DRDO) स्वदेशी ग्लाइड शस्त्रप्रणाली मिळवण्यात मोठे यश मिळवले आहे. भारतीय हवाई दल आणि डीआरडीओने ओडिशाच्या किनाऱ्यावर टॅक्टिकल ॲडव्हान्स्ड रेंज ऑगमेंटेशन (तारा) ची पहिली चाचणी यशस्वीपणे पार पाडली. तारा एक मॉड्युलर रेंज एक्सटेन्शन किट असून ही आपल्या देशाची पहिली स्वदेशी ग्लाइड शस्त्रप्रणाली आहे, जी अनगाइडेड वॉरहेड्सचे (मार्गदर्शनरहित स्फोटकांचे) अचूक-मार्गदर्शित शस्त्रांमध्ये रूपांतर करते.

 

ही प्रणाली तारा विंगचा वापर करून आपली मारक क्षमता १५०-१८० किलोमीटरपर्यंत वाढवते. तारामध्ये ईओ/आयआर (EO/IR) मार्गदर्शनाची सुविधा आहे, ज्याचा उद्देश जमिनीवरील लक्ष्यांविरुद्ध मारक क्षमता वाढवणे आहे. यामुळे वैमानिकांना शत्रूच्या हवाई संरक्षण यंत्रणेकडून असलेला धोका कमी होऊ शकतो. target accurately ताराचे वैशिष्ट्य म्हणजे, तिची क्षेपणास्त्रे लक्ष्याच्या ३-मीटर त्रिज्येच्या आत पडतात, ज्यामुळे उच्च अचूकता सुनिश्चित होते. दरम्यान संरक्षण मंत्री राजनाथ सिंह यांनी यशस्वी पहिल्या उड्डाण चाचणीबद्दल डीआरडीओ, भारतीय हवाई दल, डीसीपीपी आणि उद्योगाचे अभिनंदन केले आणि याला भारताच्या स्वदेशी संरक्षण क्षमता वाढवण्यामधील एक महत्त्वपूर्ण यश म्हटले. संरक्षण संशोधन आणि विकास विभागाचे सचिव आणि डीआरडीओचे अध्यक्ष, समीर व्ही. कामत यांनीही यशस्वी उड्डाण चाचणीत सहभागी असलेल्या टीमचे अभिनंदन केले.