कुस्तीपटू सिकंदर शेख यांच्या कारचा भीषण अपघात

Sikandar Shekh महाराष्ट्रातील प्रसिद्ध कुस्तीपटू सिकंदर शेख यांच्या वाहनाचा भीषण अपघात झाल्याची धक्कादायक घटना समोर आली आहे. कवठेमहांकाळ तालुक्यातील विठ्ठलवाडी परिसरात रत्नागिरी–नागपूर महामार्गावर त्यांच्या ‘थार’ कारचा साईड डिव्हायडरला जोरदार धक्का बसून अपघात झाल्याची प्राथमिक माहिती पोलिसांकडून देण्यात आली आहे. या घटनेमुळे क्रीडा क्षेत्रात आणि चाहत्यांमध्ये मोठी खळबळ उडाली आहे.

 

 

मिळालेल्या माहितीनुसार, आज सकाळी साडेसहा वाजण्याच्या सुमारास हा अपघात घडला. वाहनावरील नियंत्रण सुटल्यामुळे कारने रस्त्याच्या कडेला असलेल्या साईड डिव्हायडरला धडक दिली. अपघात इतका तीव्र होता की गाडीच्या पुढील भागाचा अक्षरशः चक्काचूर झाला. मात्र या अपघातावेळी सिकंदर शेख गाडीत होते की नाही, याबाबत अद्याप अधिकृत स्पष्टता मिळालेली नाही.दरम्यान, अपघातानंतर स्थानिक नागरिकांनी तत्काळ घटनास्थळी धाव घेत मदतकार्य सुरू केले. काही वेळातच पोलीसही घटनास्थळी दाखल झाले आणि त्यांनी परिस्थितीचा आढावा घेत तपास सुरू केला आहे. वाहनाचा वेग जास्त असल्याने नियंत्रण सुटल्याचा प्राथमिक अंदाज व्यक्त करण्यात येत आहे.या अपघातात सुदैवाने कोणतीही गंभीर दुखापत झाल्याची माहिती समोर आलेली नाही. सिकंदर Sikandar Shekh  शेख यांची प्रकृती स्थिर असल्याचे प्राथमिक वृत्त असून, मोठा अनर्थ टळल्याने त्यांच्या चाहत्यांनी सुटकेचा निश्वास टाकला आहे. अपघातानंतर परिसरात त्यांच्या चाहत्यांची मोठी गर्दी झाली होती.

 

सिकंदर शेख हे महाराष्ट्रातील कुस्ती क्षेत्रातील एक लोकप्रिय आणि आघाडीचे नाव मानले जाते. गेल्या वर्षी ते काही वादांमुळे चर्चेत आले होते. पंजाबमध्ये झालेल्या एका प्रकरणात त्यांना अटक झाल्याची घटना घडली होती. मात्र नंतर त्यांनी क्रीडा क्षेत्रात दमदार पुनरागमन करत अनेक स्पर्धांमध्ये यश मिळवले होते.दरम्यान, या अपघाताच्या घटनेमुळे त्यांच्या चाहत्यांमध्ये चिंता व्यक्त केली जात असून, पोलिसांकडून अधिक तपास सुरू आहे. अपघाताचे नेमके कारण आणि त्या वेळी वाहनात कोण होते याबाबत पुढील माहिती तपासानंतर स्पष्ट होण्याची शक्यता आहे.