मैदानाची रुंदी कमी होण्यावरुन महापालिकेला नोटिस

मनपा आयुक्तांना यशवंत नगर मैदानाचा कोणताही भाग किंवा क्षेत्रफळ कमी करण्यापासून त्वरित रोखावे. ११ सप्टेंबर २०२५ च्या ठरावाअंतर्गत काम करताना मैदान जसे आधी होते (९० अंश कोनामध्ये), तसेच त्याचे कोपरे ठेवून बांधकाम करण्याचे निर्देश द्यावेत. मैदानात नागरिकांच्या सुविधेसाठी दोन लहान दरवाजे ठेवावेत. अंबाझरी तलावाच्या पुराचा फटका यशवंत नगरला बसला होता, त्यामुळे पावसाचे पाणी वाहून जाण्यासाठी मैदानाच्या खालच्या बाजूला ५ चेंबर्स तयार करण्याचे आदेश द्यावेत. या प्रकरणी रहिवाशांनी २३ आणि २८ एप्रिल २०२६ रोजी मनपा आयुक्त डॉ. विपीन इटनकर यांच्याकडेही लेखी तक्रार केली होती, मात्र त्यावर कोणतीही कारवाई न झाल्याने अखेर नागरिकांना हायकोर्टाचे दार ठोठवावे लागले आहे. याचिकाकर्त्यातर्फे अ‍ॅड. तुषार मंडलेकर , मनपातर्फे अ‍ॅड. सुधीर पुराणीक यांनी बाजू मांडली.