दीप्ती शर्माचा 350 क्लबमध्ये धमाका!

ind-vs-pak : २०२६ च्या महिला टी-२० विश्वचषक स्पर्धेच्या सहाव्या सामन्यात भारताचा सामना पाकिस्तानशी झाला. भारतीय गोलंदाज दीप्ती शर्माने शानदार गोलंदाजी करत आपल्या पहिल्या दोन षटकांत दोन बळी घेतले. तिने सामन्यातील पहिला बळी गुल फिरोजाचा घेतला. या बळीसह दीप्ती शर्माने आंतरराष्ट्रीय क्रिकेटमध्ये ३५० बळी पूर्ण केले. हा टप्पा गाठणारी ती जगातील केवळ दुसरी महिला गोलंदाज ठरली आहे. महिला आंतरराष्ट्रीय क्रिकेटमध्ये सर्वाधिक बळी घेण्याच्या बाबतीत आता केवळ भारताची माजी दिग्गज गोलंदाज झुलन गोस्वामी तिच्या पुढे आहे.

 

 

 

 

महिला आंतरराष्ट्रीय क्रिकेटमध्ये सर्वाधिक बळी घेणाऱ्या गोलंदाजांच्या यादीत झुलन गोस्वामी अव्वल स्थानी आहे. तिने आपल्या कारकिर्दीत ३५५ बळी घेतले आहेत. या यादीत दीप्ती शर्मा ३५४ बळींसह दुसऱ्या स्थानावर आहे. झुलनचा विश्वविक्रम मोडण्यासाठी तिला आता फक्त दोन बळींची गरज आहे. जर दीप्ती पुढच्या सामन्यात अशीच गोलंदाजी करत राहिली, तर ती हा विक्रम आपल्या नावावर करू शकते.

 

महिला आंतरराष्ट्रीय क्रिकेटमध्ये सर्वाधिक बळी घेणाऱ्यांच्या यादीत इंग्लंडची कॅथरीन सायव्हर ब्रंट तिसऱ्या क्रमांकावर आहे. तिने आतापर्यंत ३३५ बळी घेतले आहेत. या यादीत ऑस्ट्रेलियाची एलिस पेरी चौथ्या क्रमांकावर असून, तिने आतापर्यंत आंतरराष्ट्रीय क्रिकेटमध्ये ३३४ बळी घेतले आहेत. इंग्लंडची सोफी एक्लेस्टोन ३३२ बळींसह पाचव्या क्रमांकावर आहे.

 

 

३५५ - झुलन गोस्वामी (भारत)

३५४ - दीप्ती शर्मा (भारत)

३३५ - कॅथरीन सायव्हर-ब्रंट (इंग्लंड)

३३२ - एलिस पेरी (ऑस्ट्रेलिया)

३२७ - सोफी एक्लेस्टोन (इंग्लंड)

३१८ - शबनिम इस्माईल (दक्षिण आफ्रिका)

 

 

 

दीप्ती शर्माने पाकिस्तानविरुद्धच्या सामन्यात ५ बळी घेतले. या पाच बळींसह, ती महिला टी-२० आंतरराष्ट्रीय सामन्यांमध्ये सर्वाधिक बळी घेणारी गोलंदाज ठरली आहे. तिने याबाबतीत थायलंडच्या थिपाचा पुथावोंगला मागे टाकले आहे. ती आता १६५ बळींसह दुसऱ्या क्रमांकावर आहे. महिला टी-२० आंतरराष्ट्रीय सामन्यांमध्ये १६० बळी घेणारी रवांडाची हेन्रिएट इशिम्वे आता या यादीत तिसऱ्या क्रमांकावर आहे.

 

 

दीप्ती शर्माने दोन बळी घेत एक नवीन विक्रम रचला आहे. ती आता भारत आणि पाकिस्तान यांच्यातील महिला टी-२० आंतरराष्ट्रीय सामन्यांमध्ये सर्वाधिक बळी घेणारी गोलंदाज ठरली आहे. दीप्तीने पाकिस्तानविरुद्ध एकूण ११ बळी घेतले आहेत. यापूर्वी हा विक्रम भारताची एकता बिष्ट आणि पाकिस्तानची निदा दार यांच्या नावावर होता, ज्यांनी एकमेकांविरुद्ध प्रत्येकी १० बळी घेतले होते.