मंधाना-शफालीची आक्रमक फलंदाजी, भारताने ओलांडला ७० धावांचा टप्पा!

ind-vs-ned : भारतीय संघ आयसीसी महिला टी-२० विश्वचषक २०२६ मधील गट 'अ' मधील आपला दुसरा सामना हेडिंग्ले स्टेडियमवर नेदरलँड्स महिला संघाविरुद्ध खेळत आहे. नेदरलँड्स महिला संघाची कर्णधार बॅबेट डी लीडने नाणेफेक जिंकून प्रथम गोलंदाजी करण्याचा निर्णय घेतला. भारतीय महिला संघाने पाकिस्तानी महिला संघाविरुद्धचा सामना ६४ धावांनी जिंकून स्पर्धेची दमदार सुरुवात केली होती. भारतीय संघ आता स्पर्धेत आपला सलग दुसरा विजय मिळवून गुणतालिकेतील आपले स्थान आणखी मजबूत करण्याच्या प्रयत्नात असेल. नेदरलँड्स महिला संघाने आपला पहिला सामना बांगलादेश महिला संघाविरुद्ध खेळला होता, ज्यात त्यांना सहा गडी राखून एकतर्फी पराभव पत्करावा लागला होता.

 

 

 

 

 

 

भारतीय महिला संघाची कर्णधार हरमनप्रीत कौरने या सामन्यासाठी संघात दोन बदल जाहीर केले आहेत, ज्यात अरुंधती रेड्डीला विश्रांती देऊन नंदिनी शर्माचा समावेश करण्यात आला आहे. याव्यतिरिक्त, भारती फुलमालीच्या जागी यास्तिका भाटियाचा संघात समावेश करण्यात आला आहे, तर पाकिस्तानविरुद्धच्या मागील सामन्यात खेळलेले इतर सर्व खेळाडू तेच आहेत. जर भारतीय संघाने या सामन्यात मोठा विजय मिळवला, तर त्यांना ४ गुणांसह 'अ' गटाच्या गुणतालिकेत अव्वल स्थानावर पोहोचण्याची संधी मिळेल.