गुरू रंधावाच्या जिमबाहेरील गोळीबारप्रकरणी दोन अटकेत

Shooting outside Guru Randhawa's gym दिल्लीतील प्रसिद्ध पंजाबी गायक गुरू रंधावा यांच्या फिटनेस सेंटरबाहेर झालेल्या गोळीबार प्रकरणात पोलिसांनी मोठी कारवाई करत दोन संशयितांना अटक केली आहे. गुन्हे शाखेच्या विशेष पथकाने हरियाणातील बहादूरगड परिसरातून या दोघांना ताब्यात घेतले असून, या घटनेमागील संपूर्ण कटाचा तपास आता अधिक वेगाने सुरू झाला आहे.पोलिसांच्या माहितीनुसार, अटक करण्यात आलेले दोघेही एका कुख्यात गुन्हेगारी टोळीशी संबंधित व्यक्तीसाठी काम करत होते. काही दिवसांपूर्वी पश्चिम विहार परिसरातील जिमबाहेर पहाटेच्या सुमारास मोटारसायकलवर आलेल्या हल्लेखोरांनी गोळीबार केला होता. सुदैवाने या घटनेत कोणतीही जीवितहानी झाली नाही. मात्र परिसरात भीतीचे वातावरण निर्माण झाले होते.

 

 

 

घटनास्थळाची पाहणी करताना पोलिसांना अनेक रिकाम्या काडतुसे सापडली होती. त्यानंतर तांत्रिक तपास, सीसीटीव्ही फुटेज आणि गुप्त माहितीच्या आधारे संशयितांचा माग काढण्यात आला. चौकशीदरम्यान अटक करण्यात आलेल्या आरोपींनी या हल्ल्यातील सहभागाबाबत महत्त्वाची माहिती दिल्याचे सूत्रांनी सांगितले.तपास यंत्रणांच्या मते, या प्रकरणात आणखी काही जणांचा सहभाग असण्याची शक्यता आहे. त्यामुळे उर्वरित आरोपींचा शोध सुरू असून गोळीबारासाठी वापरण्यात आलेले शस्त्र जप्त करण्यासाठी विविध ठिकाणी छापेमारी करण्यात येत आहे. या घटनेनंतर सुरक्षेच्या दृष्टीने पोलिसांनी तपास अधिक तीव्र केला असून, गुन्हेगारी टोळ्यांच्या हालचालींवरही विशेष लक्ष ठेवले जात आहे. या प्रकरणातील सर्व पैलूंची चौकशी सुरू असून लवकरच आणखी धक्कादायक खुलासे होण्याची शक्यता व्यक्त केली जात आहे.