टीएमसीत बंडाचा विजय!

Court setback for Mamata Banerjee पश्चिम बंगालच्या राजकारणात मोठी घडामोड घडली असून मुख्यमंत्री ममता बॅनर्जी यांना कलकत्ता उच्च न्यायालयाकडून मोठा राजकीय धक्का बसला आहे. तृणमूल काँग्रेसमधील बंडखोर आमदार ऋतब्रता बॅनर्जी यांची विधानसभेतील विरोधी पक्षनेतेपदी झालेली नियुक्ती रद्द करण्याची मागणी न्यायालयाने फेटाळली आहे.या प्रकरणात तृणमूल काँग्रेसचे ज्येष्ठ नेते शोभनदेव चट्टोपाध्याय यांनी दाखल केलेल्या याचिकेवर सुनावणी झाली. मात्र न्यायमूर्ती कृष्णा राव यांच्या खंडपीठाने स्पष्ट केले की, सध्याच्या टप्प्यावर कोणताही अंतरिम दिलासा देण्यास पुरेसे कारण दिसत नाही. त्यामुळे विधानसभा अध्यक्षांचा निर्णय तात्पुरता कायम राहणार आहे.

 

 

या निर्णयानुसार, बंडखोर गटाचे आमदार ऋतब्रता बॅनर्जी हेच सध्या पश्चिम बंगाल विधानसभेतील मान्यताप्राप्त विरोधी पक्षनेते म्हणून कायम राहतील. न्यायालयाने दोन्ही पक्षांना पुढील सुनावणीपूर्वी आपापली प्रतिज्ञापत्रे सादर करण्याचे निर्देश दिले असून पुढील सुनावणी २८ जुलै रोजी होणार आहे.हा वाद तृणमूल काँग्रेसमधील अंतर्गत संघर्षातून निर्माण झाला आहे. पक्षातून बाहेर काढलेल्या काही नेत्यांनी वेगळा गट स्थापन करत नेतृत्वाविरोधात बंड पुकारले होते. या गटाला काही आमदारांचा पाठिंबा असल्याचा दावा करण्यात आला होता, ज्यामुळे विधानसभा अध्यक्षांनी त्यांना विरोधी पक्षनेतेपदी मान्यता दिली. या निर्णयाला मूळ गटाने आव्हान देत उच्च न्यायालयात याचिका दाखल केली होती, मात्र न्यायालयाने सध्या तरी अध्यक्षांचा निर्णय रद्द करण्यास नकार दिल्याने बंगालच्या राजकारणात तणाव कायम राहिला आहे. आता अंतिम निर्णय काय येतो याकडे संपूर्ण राज्याचे लक्ष लागले आहे.