अतिकाचा कारकीर्दीतील सर्वांत प्रभावी विजय

Atika Mir अवघ्या 11 वर्षांच्या अतिका मीरने ‘चॅम्पियन्स ऑफ द फ्युचर अकादमी’ कार्यक्रमाच्या दुसèया फेरीत पात्रता फेरी, हीट रेसेस आणि अंतिम फेरी जिंकून जागतिक मोटरस्पोर्टच्या मंचावर आपले कौशल्य दाखवले आणि तिच्या कारकीर्दीतील सर्वांत उल्लेखनीय यश मिळवले. तिच्या विजयानंतर राष्ट्रगीत सुरू झाले तेव्हा ती भावुक झाली.

 

 

 

Atika Mir फॉर्म्युला वन अकादमीच्या पाठिंब्याने, अतिकाने ओके-एनजे (12-14 वर्षे वयोगट) मधील अत्यंत स्पर्धात्मक क्षेत्रात वर्चस्व गाजवले. या गटातील तिच्या पदार्पणाच्या हंगामात तिने अनेक अनुभवी पुरुष ड्रायव्हर्सना आव्हान देत अपवादात्मक कामगिरी केली. संपूर्ण वीकेंडमध्ये अतिकाची कामगिरी इतर स्पर्धकांपेक्षा सरस होती. तिने पात्रता फेरीपासून ते हीट रेसेस आणि दोन्ही अंतिम फेèयांपर्यंत आपले वर्चस्व कायम ठेवले. या उल्लेखनीय कामगिरीमुळे, ती या मालिकेच्या इतिहासात पात्रता फेरी, हीट रेसेस आणि अंतिम फेरी जिंकणारी केवळ तिसरी रेसर ठरली.

 

Atika Mir संपूर्ण वीकेंडमध्ये ट्रॅकवर विलक्षण संयम आणि आत्मविश्वास दाखवणारी अतिका, भारतीय राष्ट्रगीत सुरू असताना पोडियमवर उभी राहिली तेव्हा भावुक झाली. 1990 च्या दशकाच्या सुरुवातीपासून फॉर्म्युला वनमध्ये पोहोचणारी पहिली महिला रेसर बनण्याचे तिचे ध्येय आहे. अतिकाने 56.77 सेकंदांच्या विक्रमी वेळेसह पात्रता फेरीत अव्वल स्थान पटकावले.

 

Atika Mir हीट रेस वन आणि हीट रेस टू मध्येही प्रथम क्रमांक मिळवून, तिने अंतिम फेरीसाठी आपले स्थान निश्चित केले. पंधरा लॅपच्या आव्हानात्मक अंतिम शर्यतीत, अतिकाने सुरुवातीपासूनच नियंत्रण मिळवले. तिने पहिल्या आठ लॅपमध्ये 3.9 सेकंदांची आघाडी घेतली आणि ती कधीही गमावली नाही.