नीट यूजी २०२६ पुनर्परीक्षेला देशभरात सुरुवात

neet ug देशभरात वैद्यकीय प्रवेशासाठी घेतली जाणारी राष्ट्रीय पात्रता सह प्रवेश परीक्षा (NEET UG 2026) आज पुन्हा एकदा मोठ्या प्रमाणावर आयोजित करण्यात आली आहे. सकाळपासूनच विविध परीक्षा केंद्रांवर विद्यार्थ्यांची मोठी गर्दी पाहायला मिळत असून परीक्षा शांततेत आणि सुरळीत पार पाडण्यासाठी केंद्र व राज्य सरकारांकडून कडेकोट सुरक्षा व्यवस्था तैनात करण्यात आली आहे.

 

 

या पुनर्परीक्षेसाठी भारतासह परदेशातून एकूण 22,80,054 उमेदवारांनी नोंदणी केली आहे. दुपारी सुरू झालेल्या परीक्षेसाठी सकाळपासूनच विद्यार्थ्यांनी परीक्षा केंद्रांवर उपस्थित राहण्यास सुरुवात केली. परीक्षा प्रक्रियेत पारदर्शकता राखण्यासाठी आणि कोणत्याही गैरप्रकारांना आळा घालण्यासाठी प्रशासनाने व्यापक स्तरावर तयारी केली आहे.

 

 

परीक्षार्थींना परीक्षा केंद्रांवर प्रवेशासाठी कडक नियम लागू करण्यात आले आहेत. उमेदवारांना केवळ प्रवेशपत्र, पासपोर्ट आकाराचे फोटो आणि आधार, मतदार ओळखपत्र, पॅन कार्ड, पासपोर्ट किंवा ड्रायव्हिंग लायसन्स यापैकी कोणतेही एक फोटो ओळखपत्र सोबत ठेवण्याची परवानगी देण्यात आली आहे. गेट बंद होण्याच्या वेळेनंतर कोणत्याही परिस्थितीत प्रवेश दिला जाणार नसल्याचे स्पष्ट करण्यात आले आहे.

 

 

या वर्षी परीक्षेच्या neet ug  कालावधीतही बदल करण्यात आला असून नेशनल टेस्टिंग एजन्सीने (NTA) परीक्षा वेळ 180 मिनिटांवरून 195 मिनिटांपर्यंत वाढवला आहे. विद्यार्थ्यांना रफ वर्कसाठी अधिक जागा उपलब्ध करून देण्यात आली असून प्रश्नपत्रिकेत चार पानांचे अतिरिक्त रफ वर्क पृष्ठ समाविष्ट करण्यात आले आहे. विशेषतः डावखुऱ्या विद्यार्थ्यांच्या सोयीसाठी प्रश्नपत्रिकेच्या मांडणीतही सुधारणा करण्यात आल्या आहेत.

 

 

दरम्यान, परीक्षा केंद्रांवरील सुरक्षा व्यवस्थेला विशेष महत्त्व देण्यात आले आहे. देशभरातील केंद्रांवर सुमारे 6,700 पर्यवेक्षक तैनात करण्यात आले असून केंद्रीय पातळीवरून 100 हून अधिक वर्च्युअल पर्यवेक्षक सीसीटीव्ही फुटेजच्या माध्यमातून थेट निरीक्षण करत आहेत. याशिवाय कृत्रिम बुद्धिमत्ता (AI) आधारित प्रणालीद्वारेही संपूर्ण परीक्षा प्रक्रियेवर नजर ठेवली जात आहे.

उत्तर प्रदेशातील लखनौमध्ये 75 परीक्षा neet ug  केंद्रांवर 35,594 विद्यार्थी परीक्षा देत आहेत, तर कानपूरसह इतर प्रमुख शहरांमध्येही मोठ्या प्रमाणावर उमेदवार उपस्थित आहेत. प्रत्येक केंद्रावर कडक पोलीस बंदोबस्त ठेवण्यात आला असून ACP, सब-इन्स्पेक्टर, महिला पोलीस कर्मचारी तसेच सिव्हिल ड्रेसमधील कर्मचारीही सुरक्षा व्यवस्थेत सहभागी झाले आहेत. काही केंद्रांवर केंद्रीय राखीव दल आणि इतर सुरक्षा दलांचीही नियुक्ती करण्यात आली आहे.

 

 

दरम्यान, परीक्षेच्या पार्श्वभूमीवर केंद्रीय शिक्षण मंत्रालयाने विद्यार्थ्यांना शांत आणि तणावरहित वातावरणात परीक्षा देण्याचे आवाहन केले आहे. विद्यार्थ्यांच्या मानसिक आरोग्याची काळजी घेण्याचे आवाहन करत कोणत्याही प्रकारच्या अफवा किंवा अनावश्यक दबावापासून दूर राहण्याचा सल्ला देण्यात आला आहे.

या पार्श्वभूमीवर देशभरातील NEET UG 2026 पुनर्परीक्षा सुरळीत पार पडावी यासाठी प्रशासन सज्ज असून विद्यार्थ्यांचे भवितव्य ठरवणारी ही परीक्षा शांततेत पूर्ण होण्याकडे सर्वांचे लक्ष लागले आहे.