यशच्या ‘टॉक्सिक’ची नवी रिलीज डेट जाहीर

Yash Toxic Movie दक्षिण भारतीय चित्रपटसृष्टीतील सुपरस्टार यश यांच्या बहुप्रतीक्षित ‘टॉक्सिक’ या चित्रपटाची अखेर नवी रिलीज डेट जाहीर करण्यात आली आहे. काही महिन्यांपासून प्रदर्शनाची प्रतीक्षा वाढत चालली असताना आता चित्रपट 26 ऑगस्ट 2026 रोजी जगभरातील चित्रपटगृहांमध्ये प्रदर्शित होणार असल्याचे स्पष्ट झाले आहे. सुरुवातीला हा चित्रपट मार्चमध्ये प्रदर्शित होणार असल्याची चर्चा होती, मात्र विविध कारणांमुळे त्याचे वेळापत्रक बदलण्यात आले होते.

 

 

फादर्स डेच्या निमित्ताने यशने सोशल मीडियावर पोस्ट शेअर करत ही घोषणा केली. नव्या रिलीज डेटची निवड सणासुदीच्या काळाला लक्षात घेऊन करण्यात आल्याचे मानले जात आहे. ऑगस्टच्या शेवटी वरमहालक्ष्मी व्रत, ओणम आणि रक्षाबंधन यांसारखे महत्त्वाचे सण येत असल्याने चित्रपटगृहांमध्ये प्रेक्षकांची मोठी गर्दी होण्याची शक्यता वर्तवली जात आहे. त्यामुळे ‘टॉक्सिक’च्या बॉक्स ऑफिस कामगिरीबाबत अपेक्षा अधिक वाढल्या आहेत.‘केजीएफ’ मालिकेनंतर यशच्या पुढील मोठ्या प्रकल्पाकडे संपूर्ण चित्रपटसृष्टीचे लक्ष लागले आहे. ‘टॉक्सिक’च्या घोषणेनंतर चाहत्यांमध्ये उत्साहाचे वातावरण निर्माण झाले असून चित्रपटाबाबतची उत्सुकता दिवसेंदिवस वाढत आहे.

दरम्यान, याच काळात Yash Toxic Movie बॉक्स ऑफिसवर मोठी स्पर्धा पाहायला मिळण्याची शक्यता आहे. अभिनेत्री श्रद्धा कपूर हिचा आगामी ‘ईथा’ हा चित्रपट 28 ऑगस्ट 2026 रोजी प्रदर्शित होणार आहे. त्यामुळे ‘टॉक्सिक’ आणि ‘ईथा’ यांच्यात अवघ्या दोन दिवसांच्या अंतराने थेट टक्कर होणार असल्याने चित्रपट उद्योगात चर्चांना उधाण आले आहे.‘ईथा’च्या टीझरला सोशल मीडियावर सकारात्मक प्रतिसाद मिळत असल्याचे दिसत आहे. त्याचवेळी ‘टॉक्सिक’च्या भव्यतेमुळे हा चित्रपटही प्रेक्षकांमध्ये मोठी उत्सुकता निर्माण करत आहे. दोन्ही चित्रपट सणासुदीच्या पार्श्वभूमीवर प्रदर्शित होत असल्याने बॉक्स ऑफिसवर कोण बाजी मारतो, याकडे सर्वांचे लक्ष लागले आहे.