लिव्ह-इन रिलेशनशिपला विरोध; आई-वडिलांसह लहान बहिणीची हत्या!

family-murder : बंगळूरुमधून एक धक्कादायक घटना समोर आली आहे. के.आर. पुरम परिसरात तीन जणांची हत्या झाली आहे. पोलिसांच्या तपासात असे उघड झाले आहे की, एका महिलेने तिच्या प्रियकरासोबत मिळून तिच्या आई-वडिलांची आणि लहान बहिणीची हत्या केली. या प्रकरणी एकाला अटक करण्यात आली असून, दुसऱ्या संशयिताचा शोध सुरू आहे. मिळालेल्या माहितीनुसार, आरोपी मुलगी तिच्या प्रियकरासोबत लिव्ह-इन रिलेशनशिपमध्ये राहत होती, तर तिच्या आई-वडिलांचा या नात्याला विरोध होता. याच मुद्द्यावरून मुलगी आणि तिच्या आई-वडिलांमध्ये वाद सुरू होता. सोमवारी संध्याकाळी तिचे आई-वडील तिला भेटायला गेले असता, त्यांची हत्या करण्यात आली.

 

 

 

 

 

 

प्राथमिक तपासानुसार, सोमसुंदर, त्यांची पत्नी मुथुलक्ष्मी आणि मुलगी सुप्रिया यांच्यासोबत त्यांची मोठी मुलगी श्वेताच्या घरी गेले होते. श्वेता तिचा प्रियकर केनेथसोबत सीगेहल्ली परिसरातील एका अपार्टमेंटमध्ये राहत होती. पोलिसांच्या म्हणण्यानुसार, श्वेताच्या लिव्ह-इन रिलेशनशिपला तिच्या आई-वडिलांचा विरोध होता. काल याच मुद्द्यावरून सोमसुंदर आणि श्वेता यांच्यात जोरदार वाद झाला होता. त्यानंतर, श्वेता आणि तिचा प्रियकर केनेथ यांनी कथितरित्या तिचे वडील, आई आणि बहिणीवर अनेक वेळा चाकूने वार करून त्यांची हत्या केली. पोलिसांनी दिलेल्या माहितीनुसार, मृतांची ओळख सोमसुंदर (५२), त्यांची पत्नी मुथुलक्ष्मी (४८) आणि त्यांची धाकटी मुलगी सुप्रिया (१९) अशी पटली आहे.

 

 

घटनेची माहिती मिळाल्यानंतर के.आर. पुरम पोलिसांनी घटनास्थळी भेट दिली. मृतदेह ईस्ट पॉइंट रुग्णालयात पाठवण्यात आले आहेत. पोलिसांनी सांगितले की, ही घटना सोमवारी रात्री के.आर. पुरम पोलीस ठाण्याच्या हद्दीतील सीगेनाहल्ली येथील एका अपार्टमेंटमध्ये घडली. प्राथमिक तपासानुसार, एका वरिष्ठ पोलीस अधिकाऱ्याने सांगितले की, ती महिला गेल्या दोन महिन्यांपासून तिच्या प्रियकरासोबत राहत होती. पीडित सोमवारी संध्याकाळी त्या अपार्टमेंटमध्ये गेले होते, जिथे ते जोडपे राहत होते. त्यांच्यात वाद झाला असावा आणि त्यानंतर अनेक वेळा चाकूने वार करण्यात आले असावेत, असा तपासकर्त्यांना संशय आहे. या प्रकरणात पोलिसांनी एका आरोपीला अटक केली असून, दुसऱ्याचा शोध सुरू आहे.