बँकेच्या अभिकर्त्याला लुटले
Total Views |
सेलू,
robbery-case : येथील बुलढाणा अर्बन बँकेच्या दैनिक अभिकर्ता रात्री घरी जात असताना त्यांना रस्त्यात अडवून लुटण्याचा प्रकार उघडकीस आला आहे. या प्रकरणी सेलू पोलिसात तक्रार दाखल करण्यात आली.
मिळालेल्या माहितीनुसार. सोमवार २२ रोजी रात्री ७ वाजताच्या सुमारास येथील आठवडी बाजारातून विकास चौकात असलेल्या घरी सायकल ने जात असताना दोन अज्ञात इसमांनी त्यांची सायकल अडवत डोळ्यात मिरची पूड फेकून पैशांची बॅग व मोबाईल हिसकावून नेली. सकाळपासून तर रात्रीपर्यंत वासुदेव घवघवे हे दुकानदारांकडून बँकेची दैनिक ठेव स्वीकारतात. चोरट्यांना त्यांच्या बॅगमध्ये रक्कम असावी म्हणून त्यांनी बॅग व मोबाईल घेऊन पळ काढला. परंतु,वसुली केलेली रकम घवघवे यांच्या पॅन्टच्या खिश्यात असल्याने ती रकम वाचली. या घटनेची पोलिसात तक्रार करण्यात आली आहे.