आम्ही एकजूट आहोत!

Pawar's statement on Operation Tiger राज्याच्या राजकारणात सध्या ‘ऑपरेशन टायगर’ची चर्चा जोरात सुरू असताना विविध पक्षांतील आमदार आणि खासदार पक्षांतर करणार असल्याच्या चर्चांना उधाण आले आहे. या पार्श्वभूमीवर शरद पवार यांनी स्पष्ट भूमिका मांडत राष्ट्रवादी काँग्रेसमधील कोणताही खासदार पक्ष सोडणार नसल्याचा ठाम विश्वास व्यक्त केला आहे.बारामती येथे पत्रकारांशी संवाद साधताना शरद पवार म्हणाले की, पक्षातील खासदार फुटणार असल्याच्या चर्चा केवळ अफवा असून त्याला कोणताही ठोस आधार नाही. पक्ष संघटना मजबूत असून सर्व खासदार पक्षाशी एकनिष्ठ असल्याचे त्यांनी स्पष्ट केले.

 

 

 

 

गेल्या काही दिवसांपासून राज्यात ‘ऑपरेशन टायगर’ या चर्चेने राजकीय वातावरण तापले आहे. विविध पक्षांतील काही लोकप्रतिनिधी सत्ताधारी गटात प्रवेश करू शकतात, अशा चर्चांमुळे अनेक तर्कवितर्क लावले जात आहेत. विशेषतः महाविकास आघाडीतील काही नेत्यांबाबत राजकीय वर्तुळात मोठी चर्चा सुरू आहे. दरम्यान, एकनाथ शिंदे यांनी काही दिवसांपूर्वी केलेल्या “हा फक्त ट्रेलर आहे, पिक्चर अजून बाकी आहे” या वक्तव्यानंतर या चर्चांना अधिक वेग आला. त्यांच्या या विधानानंतर राज्यातील राजकीय समीकरणांमध्ये मोठे बदल होण्याची शक्यता वर्तवली जाऊ लागली.

 

मात्र, शरद पवार यांनी या सर्व चर्चांना स्पष्ट शब्दांत उत्तर दिले. आपल्या पक्षात कोणतीही अस्थिरता नसून सर्व खासदार आणि पदाधिकारी पक्षाच्या भूमिकेशी ठामपणे उभे असल्याचे त्यांनी सांगितले. राज्यातील आगामी राजकीय घडामोडींवर सर्वांचे लक्ष लागले असताना शरद पवार यांच्या या विधानामुळे राष्ट्रवादी काँग्रेस (शरदचंद्र पवार) पक्षातील संभाव्य फुटीच्या चर्चांना सध्या तरी ब्रेक लागल्याचे मानले जात आहे. पुढील काही दिवसांत राज्याच्या राजकारणात आणखी घडामोडी घडण्याची शक्यता राजकीय वर्तुळातून व्यक्त केली जात आहे.