मराठी सिनेसृष्टीत यशाचा नवा अध्याय

Ghabaadkund movie आशयघन आणि दर्जेदार अभिनय असलेल्या मराठी चित्रपटांना गेल्या काही महिन्यांत केवळ थिएटरमध्ये नियमित शोज मिळत आहेत असे नाही, तर प्रेक्षकांकडूनही तिकीटबारीवर उत्स्फूर्त प्रतिसाद मिळत असल्याचे चित्र ठळकपणे दिसून येत आहे. ‘राजा शिवाजी’, ‘देऊळ बंद 2’ आणि ‘तुंबाडची मंजुळा’ यांसारख्या चित्रपटांनी निर्माण केलेल्या यशाच्या पार्श्वभूमीवर आता ‘घबाडकुंड’ हा नवा मराठी चित्रपट प्रेक्षकांना मोठ्या प्रमाणात थिएटरकडे आकर्षित करत आहे. त्यामुळे मराठी चित्रपटसृष्टीत सध्या सुवर्णकाळ सुरू असल्याचे निरीक्षण व्यक्त होत असून, या चित्रपटांच्या कमाईचे आकडेही त्याला बळकटी देत आहेत.

 

 

अ‍ॅडव्हेंचर-सस्पेन्स थ्रिलर प्रकारातील ‘घबाडकुंड’ या चित्रपटाने ‘सुपर डुपर’लाही मागे टाकत 2026 वर्षातील सर्वाधिक कमाई करणाऱ्या मराठी चित्रपटांच्या यादीत सहावे स्थान मिळवले आहे. ‘सॅकनिल्क’ने दिलेल्या माहितीनुसार, या चित्रपटाने प्रदर्शनाच्या सहाव्या दिवशी बॉक्स ऑफिसवर 35 लाख रुपयांची कमाई नोंदवली आहे. मंगळवारी झालेल्या 43 लाख रुपयांच्या तुलनेत बुधवारी 18.6 टक्क्यांची घट नोंदवली गेली असली तरीही, ‘तुंबाडची मंजुळा’ आणि ‘देऊळ बंद 2’ यांच्या तुलनेत कमी झालेल्या कमाईचा अप्रत्यक्ष फायदा या चित्रपटाला मिळत असल्याचे दिसून येत आहे.

 

 

भारतीय बॉक्स ऑफिसवर ‘घबाडकुंड’ची एकूण कमाई 3.70 कोटी रुपयांपर्यंत पोहोचली असून, सहा कोटी रुपयांच्या अंदाजित बजेटमध्ये बनलेल्या या चित्रपटाने आतापर्यंत 61.66 टक्के खर्च वसूल केला आहे. त्यामुळे प्रदर्शनाच्या सुरुवातीच्या टप्प्यातच या चित्रपटाने निर्मात्यांना दिलासा देणारी कामगिरी केल्याचे चित्र आहे. विशेष म्हणजे, या चित्रपटाने नम्रता संभेराव यांच्या ‘सुपर डुपर’ या चित्रपटाच्या 3.44 कोटी रुपयांच्या लाइफटाइम कमाईलाही मागे टाकले आहे.

 

 

दरम्यान, 2026 या Ghabaadkund movie वर्षातील सर्वाधिक कमाई करणाऱ्या मराठी चित्रपटांच्या यादीत ‘राजा शिवाजी’ने 105.68 कोटी रुपयांसह अव्वल स्थान पटकावले असून, ‘देऊळ बंद 2’ने 72.24 कोटींची कमाई करत दुसरे स्थान मिळवले आहे. ‘क्रांतिज्योती विद्यालय: मराठी माध्यम’ या चित्रपटाने 28 कोटी रुपये कमावले असून, ‘तुंबाडची मंजुळा’ने 13.83 कोटी रुपयांची कमाई नोंदवली आहे. त्यानंतर ‘अगं अगं सूनबाई, काय म्हणता सासूबाई’ या चित्रपटाने 8.97 कोटी रुपयांचा गल्ला जमवला असून, त्यानंतर ‘घबाडकुंड’ आणि ‘सुपर डुपर’ यांचा क्रमांक लागतो.

 

 

‘घबाडकुंड’ लवकरच Ghabaadkund movie प्रार्थना बेहरे आणि निर्मिती सावंत यांच्या ‘अगं अगं सूनबाई, काय म्हणता सासूबाई’ या चित्रपटालाही कमाईच्या बाबतीत मागे टाकेल, अशी शक्यता व्यक्त केली जात आहे. या चित्रपटाचे दिग्दर्शन प्रितम एस. के. पाटील यांनी केले असून, निर्माते डॉ. रसिक कदम यांचे या प्रकल्पाला भक्कम पाठबळ लाभले आहे. ‘आयकॉन दी स्टाईल’ प्रस्तुत आणि मराठीतील पहिल्या सिनेमॅटिक युनिव्हर्स म्हणून सादर करण्यात आलेला ‘घबाडकुंड’ हा चित्रपट 19 जून रोजी संपूर्ण महाराष्ट्रात प्रदर्शित झाला असून, त्याच्या संकल्पनेपासूनच प्रेक्षकांमध्ये मोठी उत्सुकता निर्माण झाली होती.

एकूणच, मराठी चित्रपटसृष्टीत सध्या व्यावसायिक यशासोबतच आशयप्रधान चित्रपटांना मिळणारा प्रतिसाद वाढत असल्याचे चित्र असून, ‘घबाडकुंड’च्या कामगिरीने या प्रवाहाला अधिक बळ मिळाल्याचे मानले जात आहे.