अँसी सोजनने लांब उडीत रचला इतिहास! VIDEO

ancy-sojan : केरळची २५ वर्षीय महिला खेळाडू अँसी सोजनने भुवनेश्वर येथील कलिंगा स्टेडियमवर झालेल्या २०२६ च्या राष्ट्रीय आंतरराज्यीय ॲथलेटिक्स चॅम्पियनशिपमध्ये लांब उडी स्पर्धेत एक ऐतिहासिक कामगिरी केली. अँसी सोजनने राष्ट्रीय आंतरराज्यीय वरिष्ठ ॲथलेटिक्स चॅम्पियनशिपमध्ये लांब उडी स्पर्धेत ६.८८ मीटरची उडी मारून एक नवीन राष्ट्रीय विक्रम प्रस्थापित केला. अँसी सोजनने रांची येथे झालेल्या फेडरेशन कपमध्ये ६.७६ मीटरची उडी मारून २०२६ च्या आशियाई खेळांसाठी आधीच आपले स्थान निश्चित केले होते. अँसी सोजनने महान भारतीय महिला खेळाडू अंजू बॉबी जॉर्ज यांच्या नावावर असलेला ६.८३ मीटरचा २२ वर्षे जुना राष्ट्रीय विक्रम मोडला.

 

 

 

 

अँसी सोजन गेल्या काही वर्षांपासून सातत्याने उत्कृष्ट कामगिरी करत आहे. राष्ट्रीय आंतरराज्यीय वरिष्ठ ॲथलेटिक्स चॅम्पियनशिपमध्ये आपल्या पाचव्या प्रयत्नात सोजनने ६.८३ मीटरची उडी मारून एक नवीन राष्ट्रीय विक्रम प्रस्थापित केला. अंजू बॉबी जॉर्जने २००४ च्या अथेन्स ऑलिम्पिकमध्ये ६.८३ मीटर उडी मारून राष्ट्रीय विक्रम प्रस्थापित केला, जो आतापर्यंत तिच्या नावावर होता. गेल्या २० वर्षांत लांब उडीमध्ये ६.८५ मीटरपेक्षा जास्त उडी मारणारी अँसी सोजन ही केवळ दुसरी आशियाई महिला खेळाडू आहे. या कामगिरीमुळे अँसी सोजन आशियातील ८ वी सर्वोत्तम महिला लांब उडीपटू बनली आहे.

 

केरळची २५ वर्षीय महिला खेळाडू अँसी सोजनने २०२३ च्या आशियाई क्रीडा स्पर्धेत ६.६३ मीटर उडी मारून रौप्य पदक जिंकले. त्यानंतर तिने २०२५ च्या आशियाई ॲथलेटिक्स चॅम्पियनशिपमध्ये रौप्य पदक जिंकले. आता जपानमध्ये होणाऱ्या आगामी आशियाई क्रीडा स्पर्धेत अँसी सोजनच्या कामगिरीकडे सर्वांचे लक्ष लागले आहे, जिथे ती सुवर्णपदक जिंकेल अशी अपेक्षा आहे. याशिवाय, आगामी जागतिक ॲथलेटिक्स चॅम्पियनशिपमध्ये अँसीकडून सर्वांना मोठ्या अपेक्षा आहेत, ज्यात ती पदकाच्या दावेदारांमध्ये सामील झाली आहे.