ग्लॅमरच्या दुनियेत रक्ताचा सडा!

brook-george : सोशल मीडियाच्या झगमगत्या दुनियेमागे अनेकदा काळेकुट्ट सत्य दडलेले असते, याचाच प्रत्यय आणून देणारी एक अत्यंत धक्कादायक घटना दुबईतून समोर आली आहे. ब्रिटनची प्रसिद्ध टिकटॉकर आणि सोशल मीडिया इन्फ्लुएन्सर ब्रूक जॉर्ज हिने दुबईत आपल्या प्रियकराची निर्घृण हत्या केली आहे. एका क्षुल्लक वादातून तिने प्रियकराच्या छातीत थेट सुरा उपसून त्याला संपवले. हा गुन्हा पचवण्यासाठी तिने एक अत्यंत हुशार प्लॅन आखला होता, मात्र तिच्या एका छोट्याशा चुकीमुळे तिचा हा संपूर्ण डाव फसला आणि ती पोलिसांच्या जाळ्यात अडकली.

 

 

 

 

ब्रूक जॉर्ज आणि तिचा प्रियकर दुबईतील एका पॉश आणि आलिशान अपार्टमेंटमध्ये राहत होते. मिळालेल्या प्राथमिक माहितीनुसार, दोघांमध्ये एखाद्या गोष्टीवरून जोरदार वाद झाला. हा वाद इतका विकोपाला गेला की, रागाच्या भरात ब्रूकने स्वयंपाकघरातील धारदार सुरा आणून थेट प्रियकराच्या छातीत खुपसला. गंभीर जखमी झालेल्या प्रियकराचा काही वेळातच रक्ताच्या थारोळ्यात पडून मृत्यू झाला.

 

प्रियकराचा मृत्यू झाल्याचे समजताच ब्रूक घाबरली नाही, तर तिने पोलिसांची दिशाभूल करण्यासाठी तात्काळ एक रचलेला प्लॅन अमलात आणायला सुरुवात केली. तिने हा एक अपघात किंवा आत्महत्येचा प्रकार असल्याचे भासवण्याचा प्रयत्न केला. मात्र, घटनास्थळाची पाहणी करताना दुबई पोलिसांच्या तीक्ष्ण नजरेने तिच्या प्लॅनमधील एक मोठी चूक पकडली. मृतदेहावरील जखमेची दिशा आणि घरात अस्तव्यस्त पडलेल्या वस्तू तिने रचलेल्या कथेची साक्ष देत नव्हत्या.

 

 

फॉरेन्सिक तपास आणि पोलिसी खाक्या दाखवताच ब्रूक जॉर्जच्या चेहऱ्यावरील इन्फ्लुएन्सरचा मुखवटा गळून पडला. तिने पोलिसांसमोर आपला गुन्हा कबूल केला आहे.

 

लाखो फॉलोअर्स असलेल्या एका प्रसिद्ध ब्रिटिश टिकटॉकरचे हे भयानक रूप पाहून इंटरनेट जगताला मोठा धक्का बसला आहे. दुबई पोलिसांनी तिला अटक केली असून, तिथल्या कठोर कायद्यानुसार आता तिला मोठ्या शिक्षेचा सामना करावा लागणार आहे.