नियंत्रण सुटले अन् हेलिकॉप्टर जमिनीवर धडकताच पेटले!

helicopter-crashes : सौदी अरेबियातून एक अत्यंत धक्कादायक आणि हृदयद्रावक बातमी समोर आली आहे. जगातील सर्वात मोठी तेल कंपनी असलेल्या 'सौदी अरामको'चे एक हेलिकॉप्टर भीषण अपघाताचे बळी ठरले आहे. रास तनुरा परिसरात झालेल्या या भीषण हेलिकॉप्टर दुर्घटनेत १४ जणांचा जागीच मृत्यू झाला असून, संपूर्ण सौदी अरेबियामध्ये यामुळे एकच खळबळ उडाली आहे.

 

 

 

 

 

 

मिळालेल्या प्राथमिक माहितीनुसार, अरामको कंपनीचे हे हेलिकॉप्टर नेहमीप्रमाणे आपल्या उड्डाणावर होते. मात्र, रास तनुरा परिसराजवळ अचानक तांत्रिक बिघाड किंवा इतर कारणांमुळे हेलिकॉप्टरवरील नियंत्रण सुटले आणि ते जमिनीवर कोसळले. अपघात इतका भीषण होता की हेलिकॉप्टरने जमिनीवर धडकताच पेट घेतला. यामध्ये हेलिकॉप्टरमधील सर्व १४ जणांचा होरपळून जागीच मृत्यू झाला.

 

 

या भीषण अपघातात प्राण गमावलेले सर्व १४ जण सौदी अरेबियाचेच नागरिक होते, अशी माहिती समोर येत आहे. अरामको ही जगातील सर्वात श्रीमंत आणि बलाढ्य तेल कंपनी मानली जाते, त्यामुळे तिच्या हेलिकॉप्टरला असा अपघात होणे ही अत्यंत दुर्मिळ आणि तितकीच धक्कादायक घटना मानली जात आहे. या अपघातानंतर संबंधित परिसरात तात्काळ मदत आणि बचाव कार्य सुरू करण्यात आले आहे.

 

या दुर्घटनेमुळे १४ कुटुंबांवर दुःखाचा डोंगर कोसळला असून, संपूर्ण देशात शोककळा पसरली आहे. अपघात नेमका कशामुळे झाला, याचा सखोल तपास आता सौदी प्रशासनाकडून केला जात आहे.