अभिनेत्री जस्मिन भसीन रुग्णालयात दाखल

jasmin bhasin लोकप्रिय टेलिव्हिजन अभिनेत्री जॅस्मिन भसीन हिच्या चाहत्यांसाठी चिंताजनक बातमी समोर आली आहे. वाढदिवस साजरा करण्यासाठी दुबईला गेलेल्या जॅस्मिनला अचानक प्रकृती अस्वस्थ वाटू लागल्याने तिला रुग्णालयात दाखल करण्यात आले आहे.

 

 

मिळालेल्या माहितीनुसार, जॅस्मिन तिचा वाढदिवस मित्र आणि बॉयफ्रेंड अली गोनी याच्यासोबत दुबईत साजरा करण्यासाठी गेली होती. मात्र, सुट्टीदरम्यान तिची तब्येत अचानक बिघडली. तिच्या प्रकृतीत झालेल्या या बदलामुळे तिला तातडीने स्थानिक रुग्णालयात दाखल करावे लागले.अली गोनीने सोशल मीडियावरून चाहत्यांना माहिती देताना सांगितले की, जॅस्मिनला “गंभीर संसर्ग” (serious infection) झाला असून सध्या तिच्यावर वैद्यकीय उपचार सुरू आहेत. त्याने रुग्णालयातील काही छायाचित्रेही शेअर केली असून, या कठीण काळात चाहत्यांनी प्रार्थना करावी असे आवाहन केले आहे. त्याच्या म्हणण्यानुसार, ही परिस्थिती त्यांच्या सुट्टीसाठी आणि वाढदिवसाच्या आनंदासाठी अपेक्षित नव्हती.वाढदिवसाच्या दिवशीच रुग्णालयात उपचार सुरू असतानाही जॅस्मिनच्या प्रकृतीवर jasmin bhasin डॉक्टरांचे बारकाईने लक्ष आहे. मिळालेल्या अपडेटनुसार, तिची प्रकृती हळूहळू सुधारत असल्याचेही सांगितले जात आहे.या अचानक घडलेल्या घटनेमुळे जॅस्मिनच्या चाहत्यांमध्ये चिंता व्यक्त केली जात असून, तिच्या लवकर बरे होण्यासाठी सोशल मीडियावर शुभेच्छांचा वर्षाव होत आहे.