एक महिला, एक पुरुष आणि FDA चा खोटा धाक; हॉटेलमध्ये काय घडलं?

fake-fda-officer : महाराष्ट्राची राजधानी मुंबईत एक धक्कादायक घटना उघडकीस आली आहे. एफडीए (FDA) अधिकारी असल्याचे भासवून हॉटेलवर छापा टाकणाऱ्या एका पुरुष आणि महिलेविरोधात बोरीवली पोलिसांनी गुन्हा दाखल केला आहे. पोलिसांच्या तपासात आरोपींची ओळख विजय बाबन जाधव (४२), रा. एकसर रोड, बोरीवली पश्चिम, आणि स्वाती विक्रांत तुळशंकर (३०), रा. वसई, अशी पटली आहे. या प्रकरणात आतापर्यंत काय समोर आले आहे, ते पाहूया.

 

 

 

 

या प्रकरणी पोलिसांना मिळालेल्या माहितीनुसार, दोन्ही आरोपी (पुरुष आणि महिला) सरकारी अधिकारी असल्याचे भासवून एका हॉटेलमध्ये घुसले आणि 'भारत सरकार' असे लिहिलेला बनावट सरकारी लोगो असलेल्या वाहनाचा वापर करून त्यांनी कर्मचाऱ्यांवर दबाव आणण्याचा प्रयत्न केला. तपास करून कारवाई करण्याची धमकी देऊन त्यांनी हॉटेल व्यवस्थापनाकडून पैसे उकळण्याचाही प्रयत्न केल्याचा आरोप आहे.

 

मुंबईतील या घटनेनंतर पोलिसांनी कारवाई केली आहे. बोरिवली पोलिसांनी भारतीय दंड संहितेच्या (IPC) संबंधित कलमांनुसार दोन्ही आरोपींविरुद्ध गुन्हा दाखल केला आहे. पोलिसांनी पुढील तपासासाठी दोन्ही आरोपींना नोटीस बजावली असून, सखोल तपास सुरू आहे.