आरबीआयच्या बैठकीपूर्वी शेअर बाजारात तेजी

Stock market rallies ahead of RBI meeting. रिझर्व्ह बँक ऑफ इंडियाच्या मौद्रिक धोरण समितीच्या (MPC) महत्त्वपूर्ण बैठकीपूर्वी भारतीय शेअर बाजारात जोरदार तेजी दिसून आली. आठवड्याच्या शेवटच्या व्यवहार सत्रात बाजाराने मजबूत सुरुवात करत मागील सत्रातील सुस्तीला मागे टाकले. सकाळच्या सत्रात सेन्सेक्स जवळपास 300 अंकांनी वाढून 74,600 च्या पुढे गेला, तर निफ्टीने 23,500 चा स्तर ओलांडला. BSE सेन्सेक्स आणि NSE निफ्टी 50दोन्ही निर्देशांकांमध्ये सकारात्मक कल दिसून आला. सुरुवातीच्या व्यवहारात सेन्सेक्स सुमारे 302 अंकांच्या वाढीसह 74,662 च्या आसपास पोहोचला, तर निफ्टीही सुमारे 80 ते 90 अंकांनी वाढून 23,503 च्या पातळीवर व्यवहार करत होता. बाजारात एकूण 223 शेअर्समध्ये वाढ दिसली, तर तुलनेने कमी शेअर्स घसरणीसह उघडले, ज्यामुळे गुंतवणूकदारांचा आत्मविश्वास वाढल्याचे स्पष्ट झाले.

 

 

 

बाजारातील मोठ्या शेअर्समध्ये अदानी एंटरप्रायझेस, डॉ. रेड्डीज लॅबरेटरीज, बजाज फिनसर्व्ह, आयसीआयसीआय बँक आणि अपोलो हॉस्पिटल्सयांसारख्या कंपन्यांचे शेअर्स गुंतवणूकदारांच्या रडारवर होते. दुसरीकडे Cipla आणि Coal India यांसारख्या काही मोठ्या शेअर्समध्ये सुरुवातीच्या सत्रात हलका दबाव दिसून आला. एव्हिएशन क्षेत्रात इंटरग्लोब एव्हिएशन (इंडिगो) ने आपल्या आंतरराष्ट्रीय नेटवर्कमध्ये तात्पुरते बदल करण्याचा निर्णय घेतला आहे. मागणीतील घट आणि खर्चातील वाढीच्या आव्हानांमुळे कंपनीने 1 जुलै 2026 पासून हाँगकाँग, हो ची मिन्ह सिटी, लंगकावी आणि क्राबी या मार्गांवरील सेवा तात्पुरती स्थगित करण्याची घोषणा केली आहे. या घोषणेनंतर इंडिगोच्या शेअरमध्ये हालचाल दिसून आली.