फ्लाय दुबईच्या विमानाला धडकला पक्षी

bird hits flydubai plane लखनैमध्ये शनिवारी सकाळी फ्लाय दुबईच्या विमानाची आपत्कालीन लँडिंग करण्यात आली. चौधरी चरण सिंह आंतरराष्ट्रीय विमानतळाजवळ लँडिंग करताना विमानाला पक्षी धडकला. पायलटने प्रसंगावधान राखून विमानाची सुरक्षित लँडिंग केली. विमानातील सर्व १६३ प्रवासी आणि क्रू मेंबर्सना सुरक्षित उतरवण्यात आले.

 

 

विमानतळ सूत्रांनुसार, दुबईहून लखनैला येणारे विमान सकाळी लखनैला पोहोचायचे होते. खराब हवामानामुळे विमान सुमारे ३८ मिनिटे उशिरा होते. विमानतळाजवळ पोहोचल्यावर विमानाला पक्षी धडकला. पायलटने तात्काळ एअर ट्रॅफिक कंट्रोलला माहिती दिली. आपत्कालीन लँडिंगसाठी स्पष्ट धावपट्टीची मागणी केली. विमानतळ प्राधिकरण तात्काळ कामाला लागले आणि विमानासाठी धावपट्टी रिकामी करण्यात आली. लँडिंगनंतर विमान धावपट्टीवरून हटवून पार्किंग बेमध्ये उभे करण्यात आले, जिथे त्याची सखोल तांत्रिक तपासणी केली.