‘पेड्डी’चा जलवा कायम 24 तासांत ठरला नंबर-1

peddi दर आठवड्याला विविध OTT प्लॅटफॉर्मवर अनेक चित्रपट आणि वेब सिरीज प्रदर्शित होत असतात. मात्र, त्यापैकी मोजकेच चित्रपट प्रेक्षकांच्या पसंतीस उतरून अल्पावधीत लोकप्रियतेचे नवे विक्रम प्रस्थापित करतात. अशाच चित्रपटांपैकी ‘पेड्डी’ या स्पोर्ट्स ड्रामाने सध्या नेटफ्लिक्सवर आपला ठसा उमटवला आहे. चित्रपटगृहांमध्ये दमदार यश मिळवल्यानंतर या चित्रपटाने OTT वरही आपला प्रभाव कायम राखला असून, 9 जुलै रोजी नेटफ्लिक्सवर प्रदर्शित झाल्यानंतर अवघ्या 24 तासांत तो प्लॅटफॉर्मवरील सर्वाधिक पाहिला जाणारा आणि ट्रेंडिंगमध्ये अव्वल क्रमांकाचा चित्रपट ठरला आहे.

 

 

‘पेड्डी’ प्रदर्शित होताच सोशल मीडियावर त्याची मोठ्या प्रमाणात चर्चा सुरू झाली. दमदार कथा, भावनिक प्रसंग, थरारक ॲक्शन आणि क्रीडाविषयक कथानक यामुळे प्रेक्षकांनी या चित्रपटाला उत्स्फूर्त प्रतिसाद दिला आहे. याच प्रतिसादाच्या जोरावर नेटफ्लिक्सच्या ट्रेंडिंग यादीत ‘पेड्डी’ने पहिले स्थान पटकावले आहे.

सुमारे 3 तास 7 मिनिटांचा हा चित्रपट दिग्दर्शक बुची बाबू सना यांनी दिग्दर्शित केला आहे. चित्रपटात राम चरण, जाह्नवी कपूर, दिव्येंदू शर्मा, शिव राजकुमार, जगपती बाबू आणि बोमन इराणी यांसारख्या दिग्गज कलाकारांनी महत्त्वपूर्ण भूमिका साकारल्या आहेत. ॲक्शन, peddi  क्रीडा, भावनिक संघर्ष आणि प्रेरणादायी प्रवास यांचा प्रभावी संगम या चित्रपटात पाहायला मिळत असल्याने सुरुवातीपासून शेवटपर्यंत प्रेक्षकांची उत्सुकता कायम राहते.OTT वर लोकप्रियता मिळवण्यापूर्वी ‘पेड्डी’ने बॉक्स ऑफिसवरही उल्लेखनीय यश संपादन केले होते. भारतात या चित्रपटाने 180 कोटी रुपयांहून अधिक कमाई केली, तर जागतिक स्तरावर त्याची एकूण कमाई सुमारे 333 कोटी रुपयांपर्यंत पोहोचली. हिंदी आवृत्तीची कमाई तुलनेने कमी असली, तरी इतर भाषांतील प्रेक्षकांसह परदेशातही चित्रपटाला चांगला प्रतिसाद मिळाला.‘पेड्डी’ची कथा एका ग्रामीण भागात राहणाऱ्या दिहाडी मजुराभोवती केंद्रित आहे. आर्थिक अडचणींशी झुंज देत असतानाही त्याच्यात विलक्षण क्रीडा कौशल्य दडलेले असते. तो उत्कृष्ट क्रिकेटपटू असून कुस्तीमध्येही पारंगत असतो. स्वतःच्या मेहनतीच्या आणि प्रतिभेच्या जोरावर वेगळी ओळख निर्माण करण्यासाठी तो सातत्याने संघर्ष करतो. याचबरोबर आपल्या गावाला अधिकृत मान्यता मिळावी आणि तेथे रेल्वे स्थानक उभारले जावे, यासाठीही तो अथक प्रयत्न करत राहतो. संघर्ष, जिद्द आणि स्वप्नपूर्तीचा प्रेरणादायी प्रवास हा या चित्रपटाचा मुख्य गाभा आहे.