theatre-rental-charges मुंबई महानगर प्रदेशातील (एमएमआर) नाट्यगृहांच्या भाडेवाढीबाबत राज्य सरकारने मराठी रंगभूमीला मोठा दिलासा दिला आहे. पालिका क्षेत्रातील नाट्यगृहांच्या भाड्यात दरवर्षी केली जाणारी पाच टक्के वाढ कमी करून, ती आता केवळ एक ते दोन टक्क्यांच्या मर्यादेत ठेवण्याचा महत्त्वपूर्ण निर्णय सांस्कृतिक कार्य मंत्री ॲड. आशिष शेलार यांनी घेतला आहे. विशेष म्हणजे, या भाडेवाढीसाठी कोविड काळातील सवलतीचा दर न धरता, कोविडपूर्वीचा मूळ दरच आधारभूत मानण्यात येणार आहे.

 

theatre-rental-charges मराठी नाटकांचे नेपथ्य, साहित्य ठेवण्यासाठी आणि एसटी/बस पार्किंगसाठी दादर, परळ, लालबाग परिसरात कायमस्वरूपी जागेची मागणी नाट्य व्यावसायिकांनी केली होती. व्यावसायिक दराने गोडाऊन घेणे शक्य नसल्याने व पावसाळ्यात नेपथ्याचे मोठे नुकसान होत असल्याने शासनाने किमान १० हजार चौरस फूट जागा उपलब्ध करून द्यावी, अशी मागणी त्यांनी केली. यावर तोडगा काढताना, मानखुर्द येथील अतिक्रमणमुक्त झालेल्या व फिल्म सिटीला देण्यात येणाऱ्या जागेपैकी काही भाग नाट्यसृष्टीला गोडाऊन आणि वाहनतळासाठी देता येईल का, याबाबत महिनाभरात व्यवहार्य पर्याय सादर करण्याचे कडक निर्देश ॲड. शेलार यांनी अधिकाऱ्यांना दिले आहेत.

theatre-rental-charges उत्पन्नवाढीसाठी विशेष समिती