‘तुंबाड 2’मध्ये आलिया भट्टची दमदार एन्ट्री

alia bhatt नवाझुद्दीन सिद्दीकी यांच्या बहुचर्चित एन्ट्रीनंतर आता ‘तुंबाड 2’च्या निर्मात्यांनी आणखी एका मोठ्या कलाकाराच्या नावाची अधिकृत घोषणा केली आहे. अभिनेत्री आलिया भट्ट या बहुप्रतीक्षित सिक्वेलमध्ये महत्त्वपूर्ण भूमिकेत दिसणार असून, तिच्या सहभागामुळे चित्रपटाविषयीची उत्सुकता आणखी वाढली आहे. भारतीय सिनेमात लोककथा आणि फँटसी या प्रकाराला नवी ओळख मिळवून देणाऱ्या ‘तुंबाड’ने आपल्या समृद्ध विश्वनिर्मिती, प्रभावी वातावरणनिर्मिती, दमदार कथनशैली आणि भव्य दृश्यरचनेच्या जोरावर प्रदर्शित झाल्यापासून प्रेक्षकांच्या मनात कायमचे स्थान निर्माण केले. कालांतराने या चित्रपटाची लोकप्रियता सातत्याने वाढत गेली आणि त्याच्या पुनर्प्रदर्शनाने भारतीय सिनेमातील सर्वाधिक कमाई करणाऱ्या री-रिलीज चित्रपटाचा विक्रमही नोंदवला. त्यामुळे ‘तुंबाड’ हा आधुनिक भारतीय सिनेमातील सर्वाधिक प्रतिष्ठित क्लासिक चित्रपटांपैकी एक मानला जातो.

 

 

आता ‘तुंबाड 2’च्या माध्यमातून हे विश्व आणखी भव्य स्वरूपात प्रेक्षकांसमोर येणार आहे. नवाझुद्दीन सिद्दीकी यांच्या सहभागानंतर आलिया भट्टची झालेली एन्ट्री या चित्रपटाच्या सर्जनशील महत्त्वाकांक्षेला आणि भव्यतेला अधिक अधोरेखित करणारी मानली जात आहे. विविध प्रकारच्या भूमिका समर्थपणे साकारण्याची क्षमता आणि धाडसी भूमिकांच्या निवडीसाठी ओळखली जाणारी आलिया भट्ट या चित्रपटासाठी महत्त्वाची भर ठरणार आहे. ‘तुंबाड’ फ्रँचायझीमागील प्रमुख सर्जनशील शक्ती असलेले अभिनेता-निर्माते सोहम शाह आणि प्रभावी अभिनयासाठी प्रसिद्ध नवाझुद्दीन सिद्दीकी यांच्यासोबतची तिची ही पहिलीच जुगलबंदी असणार आहे. सोहम शाह यांनी उभारलेले ‘तुंबाड’चे विश्व, नवाझुद्दीन सिद्दीकी यांची अभिनयशैली आणि आलिया भट्टची नवी भूमिका यामुळे या सिक्वेलमध्ये वेगळीच रंगत निर्माण होणार असून, मूळ चित्रपटाचा आत्माही कायम राखला जाणार असल्याचे सांगितले जात आहे.

 

 

या नव्या प्रवासाबद्दल प्रतिक्रिया alia bhatt  देताना आलिया भट्ट म्हणाली, “’तुंबाड’ मी पहिल्यांदा पाहिल्यापासून तो माझ्या मनात कायम आहे. इतकं वेगळं, समृद्ध आणि प्रेक्षकांना पूर्णपणे त्या विश्वात घेऊन जाणारं जग फारच कमी चित्रपट निर्माण करू शकतात. त्याहूनही कमी चित्रपट असे असतात, जे प्रदर्शित झाल्यानंतर अनेक वर्षांनीही लोकांच्या कल्पनाशक्तीत जिवंत राहतात. हाच या संधीचा सर्वात मोठा आनंद आहे. आता त्या विश्वाचा भाग होणं माझ्यासाठी खूप खास आहे. सोहम आणि नवाझ या दोन्ही कलाकारांसोबत काम करण्याची मी अनेक वर्षांपासून इच्छा बाळगली होती. या समृद्ध, गूढ आणि अविस्मरणीय कथेतल्या एका महत्त्वाच्या व्यक्तिरेखेचा शोध घेण्याची संधी मला मिळत आहे, याचा मला खूप आनंद आहे. आम्ही एकत्र काय निर्माण करत आहोत, ते प्रेक्षकांनी अनुभवावं यासाठी मी आतुर आहे.”

 

 

आलियाच्या सहभागाबद्दल आनंद व्यक्त करताना alia bhatt  सोहम शाह म्हणाले, “आलिया भट्टचं ‘तुंबाड 2’मध्ये स्वागत करताना आम्हा सर्वांना अतिशय आनंद होत आहे. ती या पिढीतील सर्वाधिक प्रतिभावान अभिनेत्रींपैकी एक आहे. या चित्रपटात प्रेक्षकांना तिचा एक पूर्णपणे वेगळा आणि अनोखा अवतार पाहायला मिळेल, याची मला खात्री आहे. पदार्पणापासूनच तिने सातत्याने अप्रतिम अभिनय केला आहे. तिच्यासोबतची ही माझी पहिलीच जुगलबंदी असून, तिच्यासोबत काम करण्यासाठी मी खूप उत्सुक आहे.”

‘तुंबाड 2’ची निर्मिती अभिनेता-निर्माते सोहम शाह त्यांच्या Sohum Shah Films या बॅनरअंतर्गत करत असून, Pen Studiosचे प्रमुख आणि ज्येष्ठ निर्माते डॉ. जयंतीलाल गडा यांचीही या प्रकल्पात भागीदारी आहे. या चित्रपटाचे दिग्दर्शन आदेश प्रसाद करत असून, ‘तुंबाड’च्या विश्वातील या बहुप्रतीक्षित पुढील अध्यायाला ते आकार देत आहेत. ‘आरआरआर’ आणि ‘गंगूबाई काठियावाडी’सारख्या ब्लॉकबस्टर चित्रपटांना पाठबळ देणाऱ्या Pen Studiosच्या सहकार्याने हा चित्रपट भव्य सिनेमॅटिक स्वरूपात साकारला जात आहे. ‘तुंबाड 2’ हा चित्रपट 3 डिसेंबर 2027 रोजी जगभरातील चित्रपटगृहांमध्ये प्रदर्शित होणार आहे.