देशातील पहिले एआय विद्यापीठ कर्नाटकात उभारणार

ai-university आर्टिफिशियल इंटेलिजन्सचे महत्त्व लक्षात घेता, कर्नाटकचे मुख्यमंत्री डी.के. शिवकुमार यांनी घोषणा केली आहे की, राज्यात देशातील पहिले सरकारी आर्टिफिशियल इंटेलिजन्स (एआय) विद्यापीठ स्थापन केले जाईल. यासोबतच एक एआय हब देखील तयार केले जाईल, जिथे स्टार्टअप्स, संशोधक आणि कंपन्या एकत्र येऊन नवीन तंत्रज्ञानावर काम करू शकतील.

 

 

 

ai-university बंगळुरू येथे आयोजित कार्यक्रमादरम्यान मुख्यमंत्र्यांनी एआय विद्यापीठ आणि हबशी संबंधित ही घोषणा केली. ते म्हणाले की, प्रस्तावित एआय विद्यापीठाचा उद्देश जागतिक स्तरावरील एआय तज्ज्ञ तयार करणे हा आहे. येथे विद्यार्थ्यांना आधुनिक तंत्रज्ञानाच्या शिक्षणासोबतच संशोधन आणि उद्योगाशी जोडले जाण्याची संधी मिळेल. यामुळे विद्यापीठ, उद्योग आणि सरकार यांच्यात उत्तम समन्वय देखील विकसित होईल.

शिक्षणात सुधारणांसह, एआयद्वारे सरकारचा उद्देश शिक्षणात सुधारणा करणे, आरोग्य सेवा सुधारणे, शेतकèयांना उत्तम सल्ला उपलब्ध करून देणे आणि सरकारी सेवा अधिक जलद व पारदर्शक बनवणे हा आहे.

ai-university  प्रस्तावित एआय विद्यापीठाचा मुख्य परिसर बंगळुरूमध्ये सुमारे 100 एकरमध्ये विकसित केला जाईल. याचे प्रादेशिक कॅम्पस कलबुर्गी, बेळगावी, हुबळी-धारवाड, मंगळुरू आणि म्हैसूर येथे स्थापित करण्याची योजना आहे.

ai-university  शिवकुमार म्हणाले की, भारताच्या सॉफ्टवेअर निर्यातीत कर्नाटकचा वाटा 40 टक्के आहे. तर, बंगळुरूमध्ये 17,000 हून अधिक स्टार्टअप्स आणि हजारो ग्लोबल कॅपेबिलिटी सेंटर्स आहेत, जे जागतिक बाजारासाठी उत्पादने डिझाइन करतात. मुख्यमंत्र्यांनी सांगितले की, सरकारचा उद्देश कर्नाटकला एक एआय-नेटिव्ह राज्य बनवणे आहे, जिथे आर्टिफिशियल इंटेलिजन्समुळे प्रशासन आणि सार्वजनिक सेवा वितरण अधिक चांगले होऊ शकेल.