ब्राझीलवर ट्रम्प यांचा टॅरिफ स्ट्राइक!

Trump's tariff strike on Brazil अमेरिकेचे राष्ट्राध्यक्ष डोनाल्ड ट्रम्प यांनी ब्राझीलमधून आयात होणाऱ्या बहुतांश वस्तूंवर २५ टक्के टॅरिफ लागू करण्याचा निर्णय घेतला आहे. इराणबरोबर सुरू असलेल्या तणावाच्या पार्श्वभूमीवर अमेरिकेने घेतलेल्या या निर्णयामुळे अमेरिका आणि ब्राझीलमधील व्यापार संबंधांमध्ये नवा तणाव निर्माण झाला आहे. अमेरिकेचे परराष्ट्रमंत्री मार्को रुबियो यांनी सोशल मीडिया प्लॅटफॉर्म 'एक्स'वर या निर्णयाची माहिती दिली. त्यांनी सांगितले की, राष्ट्राध्यक्ष ट्रम्प यांनी युनायटेड स्टेट्स ट्रेड रिप्रेझेंटेटिव्ह (USTR) ला ब्राझीलमधून आयात होणाऱ्या बहुतांश वस्तूंवर २५ टक्के टॅरिफ लागू करण्याचे निर्देश दिले आहेत.

 

 

 

मार्को रुबियो यांनी आपल्या पोस्टमध्ये ब्राझीलचे राष्ट्राध्यक्ष लुईझ इनासिओ लुला दा सिल्वा आणि त्यांच्या सरकारवर अमेरिकेसोबत प्रामाणिकपणे आणि चांगल्या हेतूने चर्चा न केल्याचा आरोप केला. त्यांच्या मते, ब्राझील सरकारने कराराच्या अटींचे पालन करण्याऐवजी राजकीय भूमिका घेतली असून, त्यामुळेच हा निर्णय घेण्यात आला आहे. अमेरिकेच्या या निर्णयामुळे दोन्ही देशांतील व्यापार संबंधांवर परिणाम होण्याची शक्यता व्यक्त केली जात आहे. ब्राझीलकडून या निर्णयावर तीव्र प्रतिक्रिया येण्याची अपेक्षा असून, या मुद्द्यावरून अमेरिका आणि ब्राझीलमधील राजनैतिक वाद आणखी तीव्र होण्याची चिन्हे दिसत आहेत.