दोन कांड...एकच बराक! दामिनी'-'मुस्कान' आमनेसामने
Total Views |
मेरठ,
up-news : उत्तर प्रदेशमधील मेरठ जिल्हा तुरुंगात बंदिस्त असलेल्या, पतीची हत्या केल्याचा आरोप असलेल्या दामिनीची तुरुंगातील पहिली रात्र अत्यंत अस्वस्थतेत आणि उलथापालथीची राहिली. या दरम्यान, दामिनी आणि त्याच तुरुंगात आधीपासून बंदिस्त असलेली दुसरी कुप्रसिद्ध आरोपी मुस्कान यांचा आमनासामना झाला.
मुलाच्या आठवणीत अश्रू अनावर
तुरुंग प्रशासनाने दिलेल्या माहितीनुसार, दामिनी तुरुंगात वारंवार तिच्या 'माणिक' नावाच्या लहान मुलाची आठवण काढून रडत आहे आणि त्याला भेटण्याची इच्छा व्यक्त करत आहे. तिने आपल्या आई-वडिलांना भेटण्याचीही इच्छा बोलून दाखवली असून, तुरुंग प्रशासनाकडून भेटीच्या प्रक्रियेची माहिती घेतली आहे. स्वतःचे मन शांत करण्यासाठी तिने तुरुंगातील ग्रंथालयातून एक धार्मिक पुस्तकही वाचनासाठी घेतले आहे.
दोन आरोपींचा आमनासामना
वरिष्ठ तुरुंग अधीक्षकांनी दिलेल्या माहितीनुसार, सध्या या तुरुंगात पतीच्या हत्येसारख्या गंभीर गुन्ह्यांमध्ये सहभागी असलेल्या पाच महिला बंदिस्त आहेत. सकाळी जेव्हा सर्व महिला कैद्यांना न्याहारीसाठी आणि मोजणीसाठी एका ठिकाणी एकत्र आणण्यात आले, तेव्हा दामिनी आणि मुस्कान या दोघींचा आमनासामना झाला. मुस्कान ही मेरठमधील गाजलेल्या 'निळ्या पिंपा' (ब्लू ड्रम) हत्या प्रकरणातील मुख्य आरोपी आहे.
प्रियकराला भेटण्याची इच्छा नाही
पतीला सर्पदंश देऊन त्याची हत्या केल्याचा आरोप असलेल्या दामिनीने आपल्या प्रियकराला भेटण्याची कोणतीही इच्छा तुरुंग प्रशासनाकडे व्यक्त केलेली नाही. मात्र, नवीन कैदी तुरुंगात आल्यावर सुरुवातीला घाबरलेला असतो, तशीच काहीशी स्थिती दामिनीची आहे. इतर महिला कैद्यांशी संवाद साधल्यानंतर तिने न्याहारी आणि भोजन केले असून, ती आता तुरुंगातील नियम आणि दिनचर्या समजून घेण्याचा प्रयत्न करत आहे.