ajit-doval  ऑपरेशन सिंदूर, ऑपरेशन हॉट परस्यूट, बालाकोट सर्जिकल स्ट्राईक तसेच डोकलाममधील राजनैतिक वाटाघाटींसह देशाच्या सुरक्षेशी संबंधित अनेक महत्त्वपूर्ण घटनांमध्ये डोवाल यांनी निर्णायक भूमिका बजावली आहे. दहशतवादविरोधी कारवाया आणि गुप्त मोहिमांमधील त्यांच्या योगदानाबद्दल तसेच राष्ट्रकार्यासाठी त्यांची पुरस्कारासाठी निवड करण्यात आल्याचे डॉ. टिळक म्हणाले. १९८३ पासून प्रदान करण्यात येणाऱ्या या पुरस्काराचे पहिले मानकरी एस. एम. जोशी होते.

ajit-doval अजित डोवाल यांनी भारतीय पोलिस सेवा आणि गुप्तचर क्षेत्रात ३३ वर्षांहून अधिक काळ सेवा बजावली आहे. १९६८ मध्ये भारतीय पोलिस सेवेत दाखल झाल्यानंतर १९७२ मध्ये ते गुप्तचर विभागात रुजू झाले. मिझोराम, सिक्कीम, पंजाब आणि जम्मू-काश्मीर येथे त्यांनी महत्त्वाच्या क्षेत्रीय जबाबदाऱ्या सांभाळल्या. त्यांनी इस्लामाबादमधील भारतीय उच्चायुक्तालयात ७ वर्षे काम केले. २००५ मध्ये इंटेलिजन्स ब्युरोचे प्रमुख म्हणून निवृत्त झाल्यानंतर ते भारताचे राष्ट्रीय सुरक्षा सल्लागार म्हणून जबाबदारी सांभाळत आहेत.