बिंझाणी महिला महाविद्यालयाचा ६५ वा स्थापना दिन उत्साहात

Binzani Women's College श्रीमती बिंझाणी महिला महाविद्यालयाचा ६५ वा स्थापना दिन विविध उपक्रमांनी उत्साहात साजरा करण्यात आला. यावेळी महाविद्यालयाच्या 'दीपकळी' या वार्षिकांकाच्या ६५ व्या अंकाचे प्रकाशन व परीक्षण, संस्थेच्या पहिल्या गौरवगीताचे लोकार्पण, विद्यार्थिनी उत्कर्ष मंडळाची स्थापना तसेच एलुमनाय असोसिएशनतर्फे १५ विद्यार्थिनींना शिष्यवृत्ती प्रदान करण्यात आली.

 

 

 

 

कार्यक्रमाच्या प्रमुख अतिथींनी *'दीपकळी'*च्या दर्जेदार संपादनाचे कौतुक करत विद्यार्थिनींवर होत असलेल्या संस्कारांचे अभिनंदन केले. संगीत विभागाच्या प्रमुख प्रा. दीपश्री यांच्या शब्दबद्ध व संगीतबद्ध गौरवगीताचेही यावेळी लोकार्पण झाले. विद्यार्थिनींना बॅज, प्रमाणपत्रे व पुरस्कार प्रदान करण्यात आले.हेरिटेज दर्जा प्राप्त महाविद्यालयाच्या या सोहळ्याला व्यवस्थापन, प्राध्यापक, विद्यार्थिनी तसेच मान्यवरांची उपस्थिती लाभली. शिक्षणाबरोबर संस्कार व व्यक्तिमत्त्व विकासाला प्राधान्य देणाऱ्या महाविद्यालयाच्या कार्याचे उपस्थितांनी कौतुक केले.