मनपाची झोन कार्यालये १२ होणार

 

 

municipal corporation महानगरपालिकेच्या प्रशासकीय कारभारात मोठा बदल करण्यात येणार आहे. शहरातील १० झोन कार्यालयांची संख्या वाढवून १२ करण्याचा प्रस्ताव मनपाने तयार केला आहे. हा प्रस्ताव २८ जुलै रोजी कविवर्य सुरेश भट सभागृहात होणाऱ्या सर्वसाधारण सभेत मंजुरीसाठी सादर करण्यात येणार आहे. झोन वाढल्याने नागरिकांना मिळणाऱ्या सुविधा अधिक जलद आणि स्थानिक पातळीवर मिळतील, असा प्रशासनाचा दावा आहे.

 

 

 

सध्या मनपाची १० झोन कार्यालये आहेत. वाढत्या लोकसंख्येमुळे आणि कामाचा ताण वाढल्याने एका झोनवर भार जास्त झाला होता. त्यामुळे प्रशासन विकेंद्रित करून नागरिकांना जलद सेवा देण्यासाठी दोन नवीन झोन कार्यालये तयार करण्याचा निर्णय घेण्यात आला आहे. नवीन झोन झाल्याने प्रत्येक झोनचे क्षेत्रफळ आणि लोकसंख्या कमी होईल. त्यामुळे घनकचरा व्यवस्थापन, रस्ते, पाणी, अतिक्रमण यासारखी कामे अधिक प्रभावीपणे होऊ शकतील.

 

झोन वाढविण्याचा प्रस्ताव आला असला तरी दुसरीकडे मनपात सहायक आयुक्तांची २० पदे रिक्त आहेत. ही महत्त्वाची पदे गेल्या अनेक महिन्यांपासून भरली गेलेली नाहीत. त्यामुळे सध्या झोनचा संपूर्ण कारभार प्रभारी सहायक आयुक्तांवर चालविला जात आहे. एका अधिकाऱ्याकडे २-३ झोनचा अतिरिक्त कार्यभार असल्याने कामांमध्ये दिरंगाई होत असल्याच्या तक्रारी आहेत.

प्रस्तावात काय आहे?

 

 

 

 

 

प्रस्तावाला मंजुरी मिळाल्यानंतर नवीन झोनच्या सीमा निश्चित करणे, कार्यालयासाठी जागा शोधणे आणि अधिकारी-कर्मचाऱ्यांची नियुक्ती प्रक्रिया सुरू करणे.

झोनची संख्या वाढविणे हा चांगला निर्णय असला तरी २० पदे रिक्त असताना नवे २ झोन कोण चालविणार हा मोठा प्रश्न आहे. त्यामुळे प्रस्तावासोबतच सहायक आयुक्तांची तातडीने भरती करण्याची मागणीही जोर धरू लागली आहे. प्रशासनाने मात्र आधी झोन वाढवून त्यानंतर टप्प्याटप्प्याने पदे भरणार असल्याचे स्पष्ट केले आहे.