उपोषण तर सोडले पण सोनम वांगचुक यांच्या त्या तीन मागण्या कोणत्या,जाणून घ्या

sonam wangchuks नीट परीक्षेतील कथित पेपरफुटी आणि परीक्षेतील गैरप्रकारांच्या निषेधार्थ गेल्या २६ दिवसांपासून अनिश्चित काळासाठी उपोषण करणारे सोनम वांगचुक यांनी अखेर आपले उपोषण मागे घेतले. केंद्रीय आरोग्यमंत्री जे. पी. नड्डा आणि केंद्रीय मंत्री जितेंद्र सिंह यांच्या उपस्थितीत त्यांनी उपोषण सोडले.

 

 

 

 

 

जंतर मंतर येथे उपोषण सुरू केल्यानंतर सोनम वांगचुक यांची प्रकृती खालावली होती. त्यामुळे त्यांना प्रथम सफदरजंग रुग्णालयात दाखल करण्यात आले. त्यानंतर त्यांना वेदांता रुग्णालयात हलवण्यात आले. याच रुग्णालयात केंद्रीय मंत्री जे. पी. नड्डा आणि जितेंद्र सिंह यांनी त्यांची भेट घेतली. सरकारकडून मिळालेल्या आश्वासनांनंतर वांगचुक यांनी उपोषण सोडण्याचा निर्णय घेतला.

 

 

 

 

उपोषण सोडल्यानंतर सोनम वांगचुक यांनी एक व्हिडिओ प्रसिद्ध करून संपूर्ण परिस्थितीचा तपशील दिला. त्यांनी सांगितले की, २६व्या दिवशी रात्री केंद्रीय मंत्री जे. पी. नड्डा आणि जितेंद्र सिंह रुग्णालयात आले. यावेळी लडाख सर्वोच्च समितीचे वरिष्ठ नेतेही उपस्थित होते. यापूर्वी विविध राजकीय पक्षांच्या सुमारे ६५ खासदारांनी त्यांची भेट घेत उपोषण सोडण्याचे आवाहन केले होते. खासदारांनी पत्रावर स्वाक्षऱ्या करून नीट पेपरफुटी, परीक्षांमधील गैरप्रकार आणि संबंधित इतर मुद्द्यांवर संसदेत चर्चा करण्याचे आश्वासन दिले होते.

सरकारसोबत गेल्या दोन दिवसांपासून या मुद्द्यांवर सविस्तर चर्चा सुरू होती, असेही सोनम वांगचुक यांनी सांगितले. केवळ तोंडी आश्वासनांवर समाधान न मानता त्यांनी सरकारकडून लेखी आश्वासनाची मागणी केली.sonam wangchuks ही आश्वासने मिळवण्यासाठी दोन दिवस चर्चा सुरू राहिल्याने त्यांना आणखी दोन दिवस उपोषण करावे लागले. मात्र, अखेर सरकारकडून लेखी आश्वासन मिळाल्यानंतर त्यांनी उपोषण सोडले.

सरकारच्या वतीने केंद्रीय मंत्री जे. पी. नड्डा यांनी दिलेल्या आश्वासनानुसार, दिल्लीतील जंतर मंतर येथे शांततेच्या मार्गाने आंदोलन करणाऱ्या तसेच २० जुलै २०२६ रोजी संसदेकडे काढण्यात आलेल्या मोर्चात सहभागी झालेल्या आंदोलकांवर खटले दाखल न करण्याची भूमिका सरकारने घेतली आहे.

याशिवाय, प्रश्नपत्रिका फुटीच्या समस्येवर तोडगा काढण्यासाठी आणि देशातील परीक्षा व्यवस्थेत आवश्यक शैक्षणिक सुधारणा करण्यासाठी संसदेत सविस्तर चर्चा केली जाईल, असेही सरकारने आश्वासन दिले आहे. नुकत्याच झालेल्या नीट पेपरफुटीच्या प्रकरणाशी संबंधित आत्महत्याग्रस्तांच्या कुटुंबीयांना योग्य नुकसानभरपाई देण्याबाबतही सरकार सकारात्मक विचार करणार असल्याचे आश्वासन देण्यात आले आहे.

सरकारकडून मिळालेल्या या लेखी आश्वासनांनंतर सोनम वांगचुक यांनी आपले २६ दिवसांचे उपोषण सोडले. या निर्णयानंतर त्यांनी प्रसिद्ध केलेल्या व्हिडिओतून आंदोलनादरम्यान झालेल्या चर्चा आणि सरकारकडून मिळालेल्या आश्वासनांची माहिती जनतेसमोर मांडली.